വാൻ ഇടിച്ച് ആറുപേർക്ക് പരിക്ക്
Wednesday 15 June 2022 2:07 AM IST
എടപ്പാൾ: നിയന്ത്രണം നഷ്ടപ്പെട്ട വാനിടിച്ച് ആറു പേർക്ക് പരിക്കേറ്റു. റോഡ് മുറിച്ചു നടക്കുകയായിരുന്ന ആറ് പേരെയാണ് വാൻ ഇടിച്ചത്. കാവിൽ പടി സ്വദേശി ടി.എ ഖാദർ (55), കാഞ്ഞിരകുറ്റി ചെമ്പൻകുളങ്ങര ഫിറോസ് (17), തൃക്കണ്ണാപുരം പുല്ലൂണി പറമ്പിൽ ആനന്ദ് (17), തലമുണ്ട സ്വദേശി ഖദീജ(34), ഷാജിറ(32), ഇഷ ഷെന്ന എന്നിവരെ എടപ്പാളിലെ സ്വകാര്യ ആശുപത്രികളിൽ പ്രവേശിപ്പിച്ചു. കാലിന് പരിക്കേറ്റ ടി.എ ഖാദറിനെ പിന്നീട് തൃശൂരിലെ സ്വകാര്യ ആശുപത്രിയിലേക്ക് മാറ്റി. ചൊവ്വാഴ്ച ഉച്ചയ്ക്ക് ഒരു മണിയോടെയായിരുന്നു അപകടം.