പി.എസ്.സി അഭിമുഖം
തിരുവനന്തപുരം: ജലസേചന വകുപ്പിൽ അസിസ്റ്റന്റ് എൻജിനിയർ/ഹെഡ് ഡ്രാഫ്ട്സ്മാൻ/അസിസ്റ്റന്റ് ഡയറക്ടർ (സിവിൽ) (പട്ടികവർഗ്ഗം) (കാറ്റഗറി നമ്പർ 210/2019) തസ്തികയിലേക്ക് ജൂലായ് 13, 14, 15 തീയതികളിൽ രാവിലെ 8, 9.30 മണിക്ക് പി.എസ്.സി ആസ്ഥാന ഓഫീസിൽ അഭിമുഖവും സർട്ടിഫിക്കറ്റ് പരിശോധനയും നടത്തും.
പ്രമാണപരിശോധന
തിരുവനന്തപുരം ജില്ലയിൽ കാർഷിക വികസന കർഷകക്ഷേമ വകുപ്പിൽ ഇലക്ട്രീഷ്യൻ (കാറ്റഗറി നമ്പർ 404/2020) തസ്തികയിലേക്കുള്ള ചുരുക്കപ്പട്ടികയിലുൾപ്പെട്ടവർക്ക് ജൂലായ് 6 ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.
അഗ്നിപഥ്: കരസേന അപേക്ഷ ക്ഷണിച്ചു
തിരുവനന്തപുരം: സായുധ സേനകളിലേക്ക് നിയമനത്തിനുള്ള അഗ്നിപഥ് പദ്ധതി പ്രകാരം കരസേന ആറു തസ്തികകളിൽ റിക്രൂട്ട്മെന്റിന് അപേക്ഷ ക്ഷണിച്ചു. 17വയസും ആറുമാസവും മുതൽ 23 വരെ പ്രായമുള്ളവർക്ക് രജിസ്റ്റർ ചെയ്യാം. പരിശീലന കാലയളവ് ഉൾപ്പെടെ നാലു വർഷത്തേക്കാണ് റിക്രൂട്ട്മെന്റ് നടത്തുന്നത്. വിശദമായ വിജ്ഞാപനം, യോഗ്യത, അപേക്ഷിക്കേണ്ട രീതി, വേതന വ്യവസ്ഥകൾ തുടങ്ങിയ വിശദ വിവരങ്ങൾ www.joinindianarmy.nic.in, joinindiannavy.gov.in, www.careerindianairforce.cdac.in എന്നീ വെബ്സൈറ്റുകളിൽ ലഭിക്കും.