16​ ​കാ​രി​ക്ക് ​ട്രെ​യി​നി​ൽ​ ​അ​തി​ക്ര​മം: മൂന്നുപേർ കസ്റ്റഡിയിൽ

കൊച്ചി: ഗുരുവായൂർ ട്രെ​യി​നി​ൽ​ ​പ​തി​നാ​റു​കാ​രി​യോ​ട് ​അ​തി​ക്ര​മം​ ​കാ​ണി​ച്ച കേസിൽ മൂന്നുപേരെ എറണാകുളം റെയിൽവേ പൊലീസ് ഇന്നലെ കസ്റ്റഡി​യി​ലെടുത്തു. ഒന്നാംപ്രതി ചാലക്കുടി കുറ്റിക്കാട് പെരിയാടൻ ജോയി (52), മൂന്നാംപ്രതി​ മുരി​ങ്ങൂർ വടക്കുംമുറി​ ഇലഞ്ഞി​ക്കൽ സി​ജോ ആന്റോ (43), നാലാംപ്രതി​ ചാലക്കുടി​ വെസ്റ്റ് ഷാറോഡ് ഓടത്ത് മാധവംവീട്ടി​ൽ സുരേഷ് (53) എന്നി​വരാണ് പി​ടി​യി​ലായത്.

രണ്ടാംപ്രതി​ എറണാകുളം സ്വദേശി​ സുദേശൻ, അഞ്ചാംപ്രതി​ ചാലക്കുടി​ സ്വദേശി​ സുനിൽകുമാർ എന്നി​വർ ഒളി​വി​ലാണ്. വയനാട്ടി​ൽ ഒളി​വി​ൽ കഴി​യുകയായി​രുന്നു ഒന്നാംപ്രതി​ ജോയി​. സിജോയേയും സുരേഷി​നെയും എറണാകുളം പനമ്പി​ള്ളിനഗറി​ൽ നി​ന്നാണ് കസ്റ്റഡി​യി​ലെടുത്തത്. പ്രതി​കൾ എറണാകുളം നഗരത്തി​ൽ ജോലി​ ചെയ്യുന്നവരും ട്രെയിനിലെ സീസൺ ടിക്കറ്റുകാരുമാണ്.

പാലക്കാട് ഡി​വൈ.എസ്.പി​ കെ.എൻ. രാധാകൃഷ്ണൻ, എറണാകുളം ഇൻസ്‌പെക്ടർ ജി.എസ്. ക്രി​സ്പി​ൻ സാം, എസ്.ഐ എ.എൻ. അഭിലാഷ് എന്നി​വരുടെ നേതൃത്വത്തി​ലാണ് അന്വേഷണം. കസ്റ്റഡി​യി​ലുള്ളവരെ ഇന്ന് കോടതി​യി​ൽ ഹാജരാക്കും. നാല് ദിവസം പിന്നിട്ടിട്ടും പ്രതികളെ അറസ്റ്റ് ചെയ്യാനാവാത്ത സാഹചര്യത്തിൽ, മനുഷ്യാവകാശ കമ്മിഷനും ബാലാവകാശകമ്മിഷനും പരാതി നൽകിയതിന് പിന്നാലെയായി​രുന്നു മൂന്നുപ്രതികളെ കസ്റ്റഡിയിലെടുത്തത്.