കക്കാട് ബാങ്കിലേക്ക് ഡി.വൈ.എഫ്.ഐ പ്രതിഷേധ മാർച്ച്

തിരുരങ്ങാടി: തിരൂരങ്ങാടി സർവീസ് സഹകരണ ബാങ്ക് കക്കാട് ശാഖയിലെ കളക്ഷൻ ഏജന്റ് നിക്ഷേപകരുടെ പണം തട്ടി മുങ്ങിയതിൽ പ്രതിഷേധിച്ച് ഡി.വൈ.എഫ്‌.ഐ തിരൂരങ്ങാടി മേഖലാ കമ്മറ്റിയുടെ ആഭിമുഖ്യത്തിൽ കക്കാട് ബാങ്കിലേക്ക് പ്രതിഷേധ മാർച്ച് സംഘടിപ്പിച്ചു. മാർച്ച് കക്കാട് ടൗണിൽ പൊലീസ് തടഞ്ഞു. പ്രതിഷേധ മാർച്ച് സി.പി.എം തിരൂരങ്ങാടി ലോക്കൽ കമ്മിറ്റി സെക്രട്ടറി കെ. രാമദാസ് ഉദ്ഘാടനം ചെയ്തു. പി. ജാബിർ അദ്ധ്യക്ഷത വഹിച്ചു. സി. ഇബ്രാഹീം കുട്ടി, കമറു കക്കാട്, കെ.പി ബബീഷ്, ഇ.പി മനോജ്, വി. ഹംസ, എം.പി ഇസ്മയിൽ, കബീർ കൊടിമരം എന്നിവർ സംസാരിച്ചു.