'കാൻസ്‌പയർ' പ്രകാശനം

കൊച്ചി: കാൻസറിനെ അതിജീവിച്ചവരുടെ അനുഭവങ്ങൾ ഉൾപ്പെടുത്തി 'കാൻസ്‌പയർ' പുസ്തകം ആസ്റ്റർ മെഡ്സിറ്റി പുറത്തിറക്കി. ഏഴുപേരുടെ പ്രചോദനമേകുന്ന കഥകളാണ് പുസ്തകത്തിലുള്ളത്. തിരക്കഥാകൃത്തും നടനുമായ രഞ്ജി പണിക്കർ പുസ്തകം പ്രകാശനം ചെയ്തു. 'സെന്റർ ഫോർ ഡേ കെയർ കാൻസർ പ്രൊസീജിയേഴ്‌സ് 'പദ്ധതിയുടെ ഉദ്ഘാടനവും അദ്ദേഹം നിർവഹിച്ചു. ഈ സെന്ററിൽ ഒരു ദിവസം മൂന്ന് പേർക്ക് വരെ ശസ്ത്രക്രിയ നടത്തുമെന്ന് ഓങ്കോ സർജറി സീനിയർ കൺസൾട്ടന്റ് ഡോ. ജെം കളത്തിൽ പറഞ്ഞു.

ആസ്റ്റർ ഹോസ്പിറ്റൽസ് ഡയറക്ടർ ഫർഹാൻ യാസിൻ, ഡോ. അരുൺ ആർ. വാര്യർ, ഡോ. ദുർഗാ പൂർണ തുടങ്ങിയവർ സംസാരിച്ചു.