അയിരൂർ ചെറുകോൽപ്പുഴ ഹിന്ദുമത മഹാമണ്ഡലം

ചെറുകോൽപ്പുഴ : ഹിന്ദുമത മഹാമണ്ഡലം വനിതാ വേദിയുടെ ആഭിമുഖ്യത്തിലുള്ള ഓണാഘോഷം വിദ്യാധിരാജ മന്ദിരത്തിൽ പ്രമോദ് നാരായണൻ എം.എൽ.എ ഉദ്ഘാടനം ചെയ്തു. വനിതാവേദി കൺവീനർ രത്‌നമ്മ വി.പിള്ള അദ്ധ്യക്ഷതവഹിക്കും. മഹാമണ്ഡലം പ്രസിഡന്റ്​ പി.എസ്.നായർ ഓണസന്ദേശം നൽകി. അയിരൂർ ഗവ.എൽ.പി.സ്‌കൂൾ മുൻ പ്രധമാദ്ധ്യാപിക ഉഷ കുമാരി, ഇംഗ്ലീഷ് സാഹിത്യത്തിൽ ഡോക്ടറേറ്റ് ലഭിച്ച സന്ധ്യ ശ്രീനി​വാസൻ, ഗാന്ധിജിയെ സ്വീകരിച്ച ഉടയൻകാവിൽ കെ.മീനാക്ഷി അമ്മ എന്നിവരെ ആദരി​ച്ചു. മഹാമണ്ഡലം സെക്രട്ടറി എ.ആർ.വിക്രമൻ പിള്ള, മുൻ എം.എൽ.എ മാലേത്ത് സരളാദേ​വി, ഡി.രാജഗോ​പാൽ, രമാമോഹൻ,ശശികല പ്രദീപ് തുടങ്ങിയവർ പ്രസംഗിച്ചു.