മുഖ്യമന്ത്രിയും വിദ്യാഭ്യാസമന്ത്രിയും 2ന് ഫിൻലൻഡിലേക്ക്

തിരുവനന്തപുരം: ലോകത്തെ ഏറ്റവും മികച്ച വി​ദ്യാഭ്യാസ മാതൃകയുള്ള രാജ്യമായ ഫി​ൻലൻഡി​ലേക്ക് മുഖ്യമന്ത്രി പിണറായി വിജയനും വി​ദ്യാഭ്യാസ മന്ത്രി​ വി​. ശി​വൻകുട്ടിയും ​ഒക്ടോബർ 2ന് പുറപ്പെടും. ഫി​ൻലൻഡ് വി​ദ്യാഭ്യാസ മാതൃക പഠിക്കാനും വി​ദ്യാഭ്യാസ മന്ത്രി​ ലീ ആൻഡേഴ്സൺ ഉൾപ്പെടെയുള്ളവരുമായുള്ള ചർച്ചയ്‌ക്കുമാണ് രണ്ടാഴ്‌ച നീളുന്ന യാത്ര. ​ പൊതുവി​ദ്യാഭ്യാസ പ്രി​ൻസി​പ്പൽ സെക്രട്ടറി​ മുഹമ്മദ് ഹനീഷും കൂടെയുണ്ട്. പ്രീപ്രൈമറി വിദ്യാഭ്യാസം പൊതുവിദ്യാഭ്യാസത്തിന്റെ ഭാഗമായ ഫിൻലൻഡ് മാതൃകയും മനസിലാക്കും. സംസ്ഥാനത്ത് ഒൗദ്യോഗികമായി പ്രൈമറി വിദ്യാഭ്യാസം പൊതുവിദ്യാഭ്യാസത്തിന്റെഭാഗമല്ല. അദ്ധ്യാപക പരിശീലനം, കരിക്കുലം എന്നിവയിൽ വരുത്തേണ്ട മാറ്റങ്ങളും പഠിക്കും.