ദുലിപ് ട്രോഫി: പശ്ചിമ മേഖല ചാമ്പ്യൻമാർ

കോയമ്പത്തൂർ: അവസാന ദിനം അദ്ഭുതങ്ങൾ ഒന്നും സംഭവിച്ചില്ല. ദക്ഷിണമേഖലയെ 294 റൺസിന് കീഴടക്കി പശ്ചിമ മേഖല ദുലിപ് ട്രോഫി കിരീടത്തിൽ മുത്തമിട്ടു. പശ്ചിമ മേഖല ഉയർത്തിയ 529 റൺസിന്റെ വിജയ ലക്ഷ്യം പിന്തുടർന്ന് അസാന ദിനം 154/6 എന്ന നിലയിൽ രണ്ടാം ഇന്നിംഗ്‌സ് പുനരാരംഭിച്ച ദക്ഷിണമേഖല 234 റൺസിന് ഓൾഔട്ടാവുകയായിരുന്നു. 93 റൺസെടുത്ത മലയാളി ഓപ്പണ‌ർ രോഹൻ എസ്. കുന്നുമ്മലാണ് രണ്ടാം ഇന്നിംഗ്സിൽ ദക്ഷിണമേഖലയുടെടോപ് സ്കോറർ. രവി തേജ 53 റൺസെടുത്തു.

പശ്ചിമ മേഖലയ്ക്കായി ഷംസ് മുലാനി നാലും അതിത് ഷേത്ത്,​ ജയദേവ് ഉനദ്‌കഡ് എന്നിവർ രണ്ട് വിക്കറ്റ് വീതവും വീഴ്ത്തി. നേരത്തെ രണ്ടാം ഇന്നിംഗ്‌സിൽ ഡബിൾ സെഞ്ച്വറി നേടിയ യുവ ഓപ്പണർ യശ്വസി ജയ്‌സ്വാളാണ് (265)​ പശ്ചിമ മേഖയുടെ വിജയ ശില്പിയായത്. യശ്വസി തന്നെയാണ് കളിയിലെ താരവും. സ്കോർ: പശ്ചിമ മേഖല 270,​ 585/4ഡിക്ലയേർഡ്. ദക്ഷിണമേഖല 327/10,​ 234/10.

ജ​യ്‌​സ്വാ​ളി​നെ​ ​ പു​റ​ത്താ​ക്കി​ ​ര​ഹാ​നെ

കോ​യ​മ്പ​ത്തൂ​ർ​:​ ​ദു​ലി​പ് ​ട്രോ​ഫി​ ​ഫൈ​ന​ലി​നി​ടെ​ ​ദ​ക്ഷി​ണ​മേ​ഖ​ല​യു​ടെ​ ​ബാ​റ്റ​‌​ർ​മാ​രെ​ ​നി​ര​ന്ത​രം​ ​സ്ലെ​ഡ്‌​ജ് ​ചെ​യ്ത​ ​പ​ശ്ചി​മ​ ​മേ​ഖ​ലു​യു​ടെ​ ​യ​ശ്വ​സി​ ​ജ​യ്‌​സ്വാ​ളി​നെ​ ​ഗ്രൗ​ണ്ടി​ൽ​ ​നി​ന്ന് ​പു​റ​ത്താ​ക്കി​ ​ക്യാ​പ്ട​ൻ​ ​അ​ജി​ങ്ക്യ​ ​ര​ഹാ​നെ.​ ​ ​ഇ​ന്ന​ലെ​ ​ദ​ക്ഷി​ണ​ ​മേ​ഖ​ലാ​ ​ഇ​ന്നിം​ഗ്സി​ന്റെ​ 50​-ാം​ ​ഓ​വ​റി​ൽ​ ​ര​വി​ ​തേ​ജ​യു​മാ​യി​ ​ജ​യ്‌​സ്വാ​ൾ​ ​അ​തി​രു​വി​ട്ട​ ​വാ​ക്ക് ​ത​ർ​ക്ക​ത്തി​ൽ​ ​ഏ​ർ​പ്പെ​ട്ടു. അ​മ്പ​യ​‌​ർ​മാ​രും​ ​ര​ഹാ​നെ​യും​ ​ഇ​ട​പെ​ട്ടാ​ണ് ​രം​ഗം​ ​ശാ​ന്ത​മാക്കി​യ​ത്.​ തുടർന്നും​ ​ജ​യ്​സ്വാ​ൾ​ ​എ​തി​ർ​ ​ടീ​മം​ഗ​ങ്ങ​ൾ​ക്ക് ​നേ​രെ​ ​അ​ധി​ക്ഷേ​പ​വാ​ക്കു​ക​ൾ​ ​പ​റ​ഞ്ഞു​കൊ​ണ്ടി​രു​ന്നു.​ ​ഇ​തോ​ടെ​യാ​ണ് ​ ര​ഹാ​നെ​ ​ജ​യ്‌​സ്വാ​ളി​നോ​ട് ​ പ​വ​ലി​യ​നി​ലേ​ക്ക് ​മ​ട​ങ്ങാ​ൻ​ ​ആ​വ​ശ്യ​പ്പെ​ട്ട​ത്.