പോപ്പുലർ ഫ്രണ്ട് പിരിച്ചുവിട്ടെന്ന് സംസ്ഥാന ജനറൽ സെക്രട്ടറി

തിരുവനന്തപുരം:പോപ്പുലർ ഫ്രണ്ട് ഒഫ് ഇന്ത്യ പിരിച്ചുവിട്ടതായി സംസ്ഥാന ജനറൽ സെക്രട്ടറി എ.അബ്‌ദുൽ സത്താർ അറിയിച്ചു.നിയമവിരുദ്ധമെന്ന വിജ്ഞാപനം പ്രസിദ്ധീകരിച്ചത് മുതൽ പോപ്പുലർ ഫ്രണ്ട് ഒഫ് ഇന്ത്യയുടെ പ്രവർത്തനങ്ങൾ നിർത്താൻ എല്ലാ അംഗങ്ങളോടും ആവശ്യപ്പെട്ടിട്ടുണ്ട്.

പോപ്പുലർ ഫ്രണ്ടിനെ നിരോധിച്ച് കേന്ദ്ര ആഭ്യന്തര മന്ത്രാലയം വിജ്ഞാപനം ഇറക്കിയിട്ടുണ്ട്. മഹത്തായ രാജ്യത്തിന്റെ നിയമം അനുസരിക്കുന്ന പൗരന്മാർ എന്ന നിലയിൽ സംഘടന ആഭ്യന്തര മന്ത്രാലയത്തിന്റെ തീരുമാനം അംഗീകരിക്കുന്നുവെന്നും എ.അബ്‌ദുൽ സത്താർ പ്രസ്‌താവനയിൽ അറിയിച്ചു.