സിദ്ധനും ദമ്പതികളും നരഭാേജികളായി,​ കൊന്ന് പാചകം ചെയ്ത് തിന്നു,​ ശരീരശേഷി കൂട്ടാനെന്ന് കുറ്റസമ്മതം

കൊച്ചി: ഇലന്തൂരിൽ ദേവീപ്രീതിക്കായി രണ്ടു സ്ത്രീകളെ മൃഗീയമായി ബലികൊടുത്ത ദമ്പതികളും വ്യാജ സിദ്ധനും അവരുടെ ശരീരഭാഗങ്ങൾ പാചകം ചെയ്തു കഴിച്ചെന്ന് പൊലീസിനു മുന്നിൽ കുറ്റസമ്മതം നടത്തി. കരളും ചില പ്രത്യേക അവയവങ്ങളും പച്ചയ്ക്ക് കഴിക്കണമെന്ന് സിദ്ധൻ ഉപദേശിച്ചെങ്കിലും അത് അസാദ്ധ്യമായതിനാൽ പാചകം ചെയ്തു കഴിക്കുകയായിരുന്നു. ഒന്നാം പ്രതിയും ദുർമന്ത്രവാദിയുമായ പെരുമ്പാവൂർ സ്വദേശി മുഹമ്മദ് ഷാഫിതന്നെ ഉപ്പും മഞ്ഞൾപ്പൊടിയും മാത്രം ചേർത്ത് കറിവയ്ക്കുകയായിരുന്നുവെന്നാണ് രണ്ടും മൂന്നും പ്രതികളായ നാട്ടുവൈദ്യൻ ഇലന്തൂർ കടംപള്ളി വീട്ടിൽ ഭഗവൽ സിംഗും ഭാര്യ ലൈലയും പൊലീസിന് നൽകിയ മൊഴി. ഇരകളുടെ മാംസം പ്രസാദമായതിനാൽ മറ്റുള്ളവർക്കും നൽകാൻ ഷാഫി നിർബന്ധിച്ചെങ്കിലും ദമ്പതികൾ തയ്യാറായില്ല.

68 കാരനായ ഭഗവൽ സിംഗിന് ശാരീരികശേഷി കൂട്ടാൻ ഒറ്റമൂലി എന്ന നിലയ്ക്കാണ് ചില പ്രത്യേക ശരീരഭാഗങ്ങൾ കഴിക്കാൻ ആവശ്യപ്പെട്ടത്. മൂവരും ഒരുമിച്ചിരുന്ന് കഴിക്കുകയായിരുന്നു. വളരെ ആസ്വദിച്ചാണ് ഷാഫി കഴിച്ചത്. ഫ്രിഡ്ജിൽ സൂക്ഷിച്ച മാംസം പല ദിവസങ്ങളിലായി പാചകം ചെയ്ത് ഉപയോഗിക്കുകയായിരുന്നു.

ഐശ്വര്യത്തിനും സമ്പദ്സമൃദ്ധിക്കും വേണ്ടിയായിരുന്നു നരബലിയെങ്കിലും സ്ത്രീകളുടെ ശരീരഭാഗങ്ങൾ കറിവച്ച് കഴിക്കണമെന്നത് തന്റെ ഏറെ നാളായുള്ള ആഗ്രഹമായിരുന്നുവെന്ന് ഷാഫി വെളിപ്പെടുത്തി. മൃതദേഹത്തിന്റെ മറ്റു ഭാഗങ്ങൾ കുഴിച്ചിട്ട ശേഷമാണ് മാറ്റിവച്ച മാംസം പാചകം ചെയ്തത്. മാംസം പൂജ ചെയ്ത ശേഷമാണ് ഭഗവൽ സിംഗിനും ലൈലയ്ക്കും ഷാഫി നൽകിയത്. ഫ്രീസറിൽ സൂക്ഷിച്ച കരളും മറ്റും പിന്നീട് ഭക്ഷിച്ചെന്നാണ് വിവരം.

ആഭിചാരക്രിയകൾ സംബന്ധിച്ച പുസ്തകങ്ങൾ വായിക്കാനും ഷാഫി ആവശ്യപ്പെട്ടു. ഇത്തരമൊരു പുസ്തകം ഇലന്തൂരിലെ വീട്ടിൽ നിന്ന് പൊലീസിന് ലഭിച്ചിട്ടുണ്ട്.

ആഭരണങ്ങൾ കൈക്കലാക്കി

നരബലിക്ക് മുമ്പായി ഇരകളുടെ ആഭരണങ്ങൾ ഷാഫി ഊരി വാങ്ങിയിരുന്നു. ഇവ ഗാന്ധിനഗറിലെ ഒരു ബാങ്കിൽ പണയം വച്ചെന്നാണ് സൂചന. ഇതേക്കുറിച്ച് പൊലീസ് പ്രതികരിച്ചില്ല. ബാങ്കിൽ നിന്ന് മൂന്ന് ലക്ഷം രൂപ മുദ്രാ വായ്പ എടുത്തതായി ഷാഫിയുടെ ഭാര്യ വെളിപ്പെടുത്തിയിട്ടുണ്ട്. ഇത് ആഭരണങ്ങൾ വിറ്റുകിട്ടിയ പണമാണോയെന്നാണ് അന്വേഷിക്കുന്നത്.

ദേവീപ്രീതിക്കായി

# ഭഗവൽ സിംഗിനും ഭാര്യ ലൈലയ്ക്കും സാമ്പത്തിക ഉന്നതിയും ഐശ്വര്യവും ഉണ്ടാകാനായി ദേവിയെ പ്രീതിപ്പെടുത്താൻ നടത്തിയതാണ് ഇലന്തൂരിലെ രണ്ടു നരബലികളെന്ന് പൊലീസിന്റെ റിമാൻഡ് റിപ്പോർട്ട്.

# കൊച്ചിയിൽ നിന്ന് ഇലന്തൂരിലെ വീട്ടിലെത്തിച്ച പദ്മയെ ഷാഫി കഴുത്തുമുറുക്കി ബോധം കെടുത്തി കുത്തിക്കൊന്നു. ദമ്പതികളും ചേർന്ന് വെട്ടിനുറുക്കി

# കോട്ടയത്തുനിന്ന് ഷാഫി കൂട്ടിക്കൊണ്ടുവന്ന റോസ്‌ലിയെ കട്ടിലിൽ കെട്ടിയിട്ട്

കത്തി കുത്തിയിറക്കിയതും കഴുത്ത് അറുത്തതും ലൈല.

# എറണാകുളം ജുഡിഷ്യൽ ഫസ്റ്റ് ക്ളാസ്

മജിസ്ട്രേട്ട് എൽദോസ് മാത്യൂസ് 14 ദിവസത്തേക്ക് റിമാൻഡ് ചെയ്ത പ്രതികളെ കാക്കനാട് ജയിലിലാക്കി.ലൈല അവിടെ വനിതാ ജയിലിലാണ്.

# 12 ദിവസം കസ്റ്റഡിയിൽ വിട്ടുകിട്ടാൻ പൊലീസ് ഇന്ന് കോടതിയിൽ അപേക്ഷ നൽകും.

# അന്വേഷണത്തിന് പെരുമ്പാവൂർ എ.എസ്.പി അനൂജ് പാലിവാൾ മുഖ്യ അന്വേഷണ ഉദ്യോഗസ്ഥനായും കൊച്ചി സിറ്റി ഡെപ്യൂട്ടി പൊലീസ് കമ്മിഷണർ എസ്.ശശിധരൻ തലവനായും പ്രത്യേക സംഘത്തിന് രൂപം നൽകി.

5​ ​വ​ർ​ഷ​ത്തി​നി​ടെ
14​ ​സ്ത്രീ​ക​ളെ
കാ​ണാ​താ​യി

വി​ഷ്ണു​ ​ദാ​മോ​ദർ

കൊ​ച്ചി​:​ ​അ​ഞ്ച് ​വ​ർ​ഷ​ത്തി​നി​ടെ​ ​കൊ​ച്ചി​ ​ന​ഗ​ര​ത്തി​ൽ​ ​കാ​ണാ​താ​യ​ത് 14​ ​സ്ത്രീ​ക​ൾ.​ ​ഇ​ല​ന്തൂ​ർ​ ​ഇ​ര​ട്ട​ന​ര​ബ​ലി​ ​കേ​സു​മാ​യി​ ​ബ​ന്ധ​പ്പെ​ട്ട് ​പൊ​ലീ​സ് ​ന​ട​ത്തി​യ​ ​അ​ന്വേ​ഷ​ണ​ത്തി​ലാ​ണ് ​ഇ​ക്കാ​ര്യം​ ​ബോ​ധ്യ​മാ​യ​ത്.​ ​ഇ​വ​രി​ൽ​ ​ഒ​ളി​ച്ചോ​ടി​യ​വ​രു​ണ്ടാ​കാ​മെ​ങ്കി​ലും​ ​എ​ല്ലാ​ ​തി​രോ​ധാ​ന​വും​ ​പ്ര​ത്യേ​കം​ ​അ​ന്വേ​ഷി​ക്കും.​ ​ന​ര​ബ​ലി​ക്കേ​സ് ​പ്ര​തി​ ​മു​ഹ​മ്മ​ദ് ​ഷാ​ഫി​ ​നേ​ര​ത്തെ​ ​താ​മ​സി​ച്ചി​രു​ന്ന​ ​സ്ഥ​ല​ങ്ങ​ളി​ൽ​ ​നി​ന്ന് ​കാ​ണാ​താ​യ​ ​പ്രാ​യ​മാ​യ​ ​സ്ത്രീ​ക​ളു​ടെ​ ​വി​വ​രം​ ​പ്ര​ത്യേ​കം​ ​ശേ​ഖ​രി​ക്കു​ന്നു​ണ്ട്.​ ​ക​ള​മ​ശേ​രി​യി​ൽ​ ​സ്ത്രീ​യെ​ ​ഷാ​ഫി​ ​ച​വി​ട്ടി​ക്കൊ​ന്നെ​ന്ന​ ​സു​ഹൃ​ത്തി​ന്റെ​ ​വെ​ളി​പ്പെ​ടു​ത്ത​ലി​ൽ​ ​അ​ന്വേ​ഷ​ണം​ ​തു​ട​ങ്ങി.
കാ​ണാ​താ​യാ​ൽ​ ​പ​രാ​തി​പോ​ലും​ ​ന​ൽ​കി​യേ​ക്കി​ല്ലെ​ന്ന് ​ഉ​റ​പ്പു​ള്ള​വ​രെ​യാ​ണ് ​ഷാ​ഫി​ ​നോ​ട്ട​മി​ട്ടി​രു​ന്ന​ത്.​ ​അ​പ്ര​ത്യ​ക്ഷ​മാ​യ​വ​ർ​ ​ആ​ര്,​ ​ഇ​വ​രു​ടെ​ ​പ്രാ​യം,​ ​ജോ​ലി​ ​തു​ട​ങ്ങി​യ​ ​വി​വ​ര​ങ്ങ​ൾ​ ​പൊ​ലീ​സ് ​പു​റ​ത്തു​വി​ട്ടി​ട്ടി​ല്ല.

റിമാൻഡ് റിപ്പോർട്ട് വിശദമായി: പേജ്.7