വിദ്യാർത്ഥികൾക്ക് ഡിമെൻഷ്യ ബോധവത്കരണം

ചോറ്റാനിക്കര : എറണാകുളം ജില്ലയെ ഡിമെൻഷ്യ സൗഹൃദമാക്കുന്നതിന്റെ ഭാഗമായി വെൽകെയർ കോളേജ് ഓഫ് നഴ്സിംഗിന്റെ സഹകരണത്തോടെ നഴ്സിംഗ് വിദ്യാർത്ഥികൾക്ക് ഡിമെൻഷ്യ ബോധവത്കരണ ക്ലാസ് നൽകി.

എറണാകുളം ജില്ലാ ഭരണകൂടവും കൊച്ചിൻ ശാസ്ത്ര സാങ്കേതിക സർവകലാശാലയിലെ സെന്റർ ഫോർ ന്യൂറോസയൻസിന്റെ പ്രജ്ഞയും സംയുക്തമായി നടപ്പാക്കുന്ന ബോധി പദ്ധതിയുടെ ഭാഗമായാണ് ക്ലാസ്. പ്രിൻസിപ്പൽ പ്രൊഫസർ രേണു സൂസൻ തോമസ് ഉദ്ഘാടനം നിർവഹിച്ചു. ബോധി മാസ്റ്റർ ട്രെയിനർ ബിബി ഡൊമിനിക് ഐക്കര ക്ലാസ് നയിച്ചു. വൈസ് പ്രിൻസിപ്പൽ പ്രൊഫസർ നീതു ജോർജ്, അസോസിയേറ്റ് പ്രൊഫസർ ആൻ ജോർജീന ജോർജ്, അസിസ്റ്റന്റ് പ്രൊഫസർ ഫിനു എം. പോൾ തുടങ്ങിയവർ ക്ലാസിൽ പങ്കെടുത്തു.