ട്രാക്ടർ ഇടിച്ച് മറാത്തി നടി അന്തരിച്ചു

കോലാപൂർ: മോട്ടോർ സൈക്കിളിൽ ട്രാക്ടർ ഇടിച്ച് മറാഠി ടെലിവിഷൻ താരം കല്യാണി കുരാലെ ജാദവ് അന്തരിച്ചു. 32 വയസായിരുന്നു. ശനിയാഴ്ച വൈകുന്നേരം വീട്ടിലേക്ക് മടങ്ങുന്നതിനിടെ സാംഗ്ലി-കോലാപൂർ ഹൈവേയിലാണ് അപകടമുണ്ടായത്. കല്യാണി സഞ്ചരിച്ച വാഹനത്തിൽ ട്രാക്ടർ ഇടിക്കുകയായരുന്നു. ഉടൻ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തുജ്ഹത് ജീവ് രംഗാല എന്ന ടിവി സീരിയലിലാണ് നിലവിൽ അഭിനയിക്കുന്നത്. ട്രാക്ടർ ഡ്രൈവർക്കെതിരെ കേസെടുത്തെന്നും അന്വേഷണം നടക്കുകയാണെന്നും പോലീസ് ഉദ്യോഗസ്ഥർ പറഞ്ഞു.