ടോക്ക് എച്ചിൽ സി.ബി.എസ്.ഇ സെമിനാർ

കൊച്ചി: വൈറ്റില ടോക്ക് എച്ച് പബ്ലിക് സ്‌കൂൾ സി.ബി.എസ്.ഇ അദ്ധ്യാപകർക്കായി സെമിനാർ സംഘടിപ്പിച്ചു. ടോക് എച്ചിലെ അദ്ധ്യാപകർക്കൊപ്പം വിവിധ സ്‌കൂളുകളിൽ നിന്നുള്ള അദ്ധ്യാപകരും പങ്കെടുത്തു. കൊല്ലം അമൃത യൂണിവേഴ്‌സിറ്റി ഹെഡ് സുജാത മേനോൻ സെമിനാറിന് നേതൃത്വം നൽകി. ഭാവി മികച്ച രീതിയിൽ
ആസൂത്രണം ചെയ്യേണ്ടതിന്റെ ആവശ്യകതയെക്കുറിച്ച് അവർ സംസാരിച്ചു. രാജ്യത്തെ അദ്ധ്യാപകർക്കുള്ള ബോധവത്കരണം, സാമ്പത്തിക സാക്ഷരത, ഡിജിറ്റൽ ഉപകരണങ്ങളുടെ ഉപയോഗം എന്നീ വിഷയങ്ങളിലായിരുന്നു ക്ലാസ്. സെമിനാറിൽ ടോക് എച്ച് പ്രിൻസിപ്പൽ ജുബി പോൾ, ശാന്തി ജോസ്, എ.എം.റോസിലിൻ, അദ്ധ്യാപകർ എന്നിവർ സംസാരിച്ചു.