പൂർവ വിദ്യാർത്ഥികൾ സ്കൂളിലേക്ക് സ്പീക്കറുകളും മൈക്കും കൈമാറി

ചങ്ങരംകുളം: പി.സി.എൻ.ജി.എച്ച്.എസ്.എസ് മൂക്കുതലയിലെ 1988 എസ്.എസ്.എൽ.സി ബാച്ചിലെ പൂർവ്വ വിദ്യാർത്ഥികൾ സ്‌കൂളിലെ 25 ക്ലാസ് മുറികളിൽ സ്ഥാപിക്കുന്നതിനുള്ള സ്പീക്കറുകളും ആംപ്ലിഫയറും മൈക്കും ഉൾപ്പെടെ അര ലക്ഷം രൂപയുടെ സാമഗ്രികൾ കൈമാറി. പ്രിൻസിപ്പൽ സി.വി മണികണ്ഠൻ,​ ഹെഡ്മാസ്റ്റർ കെ.ആർ രവീന്ദ്രൻ എന്നിവർ ചേർന്ന് സ്വീകരിച്ചു. കെ.വി പ്രഷീദ്, കെ.എസ് ശ്രീകാന്ത്, ശിവദാസൻ, അബ്ദുൾ സലീം എന്നിവർ പങ്കെടുത്തു. പൂർവ വിദ്യാർത്ഥികളായ ദിലീപ് ചങ്ങരംകുളം, കണ്ണൻ പന്താവൂർ, പരമേശ്വരൻ പെരുമുക്ക് എന്നിവർ ചേർന്നാണ് ഉപകരണങ്ങൾ കൈമാറിയത്.