രൂപയ്ക്ക് നേരി​യ നേട്ടം

മുംബയ്: ആഗോള വി​പണി​യി​ലെ ചലനങ്ങളും കയറ്റുമതിക്കാർ ഡോളർ വിറ്റഴിച്ചതിനാലും രൂപ നഷ്ടത്തിൽ നിന്ന് കരകയറി നേരി​യ നേട്ടത്തി​ൽ ക്ളോസ് ചെയ്തു. ഒരു ഡോളറിന് 82.8575 എന്ന നിലയിലാണ് രൂപ വലിയ മാറ്റമില്ലാതെ അവസാനിച്ചത്. ആഗോള വിപണിയിൽ ക്രൂഡ് ഓയിൽ വില കുറയുന്നത് പ്രാദേശിക കറൻസിയെ ഉത്തേജിപ്പിച്ചതും രൂപയ്ക്ക് ഗുണമായി​. ഏറ്റവും കുറഞ്ഞ ദിവസത്തിൽ നിന്ന് കറൻസി തിരിച്ചുവരാൻ സാദ്ധ്യതയുണ്ടെന്നും എന്നാൽ 83ലെവലിനടുത്തുള്ള രൂപയുടെ വ്യാപാരം നിക്ഷേപകർക്ക് ക്ഷീണമുണ്ടാക്കി​യിട്ടുണ്ടെന്നുമാണ് വി​ലയി​രുത്തൽ.