പുതുവത്സരാഘോഷം: പട്രോളിംഗ് ശക്തമാക്കും

തിരുവനന്തപുരം: പുതുവത്സരാഘോഷവേളയിൽ ക്രമസമാധാനം ഉറപ്പാക്കുന്നതിന് ശക്തമായ നടപടിയെടുക്കാൻ പൊലീസ് മേധാവി അനിൽകാന്ത് ജില്ലാ പൊലീസ് മേധാവിമാർക്ക് നിർദ്ദേശം നൽകി. ഷോപ്പിംഗ് കേന്ദ്രങ്ങൾ,മാളുകൾ,പ്രധാന തെരുവുകൾ,റെയിൽവേ സ്റ്റേഷനുകൾ,ബസ് സ്റ്റാൻഡ്,വിമാനത്താവളം എന്നിവിടങ്ങളിൽ പൊലീസ് പട്രോളിംഗും നിരീക്ഷണവും ശക്തമാക്കും. ആഘോഷങ്ങളോടനുബന്ധിച്ച് അയൽസംസ്ഥാനങ്ങളിൽ നിന്ന് സ്പിരി​റ്റ് കടത്താനുള്ള സാദ്ധ്യത കണക്കിലെടുത്ത് വാഹനപരിശോധന കർശനമാക്കും. മയക്കുമരുന്ന് ഉപയോഗം കണ്ടെത്തണമെന്നും ഡി.ജി.പി നിർദ്ദേശിച്ചു.