മാദ്ധ്യമ പുരസ്കാര വിതരണം 6ന്

കൊച്ചി: ഇന്ത്യ പ്രസ് ക്ലബ് ഒഫ് നോർത്ത് അമേരിക്കയുടെ മാദ്ധ്യമ ശ്രീ, മാദ്ധ്യമ രത്‌ന പുരസ്‌കാരങ്ങൾ ഈ മാസം ആറിന് സമ്മാനിക്കും. വൈകിട്ട് ആറിന് എറണാകുളം ബോൾഗാട്ടി പാലസ് കൺവെൻഷൻ സെന്ററിൽ നടക്കുന്ന ചടങ്ങിൽ മന്ത്രിമാരായ എം.ബി.രാജേഷ്, റോഷി അഗസ്റ്റിൻ, പ്രതിപക്ഷനേതാവ് വി.ഡി.സതീശൻ,​ എം.പിമാരായ ഹൈബി ഈഡൻ, ബെന്നി ബഹനാൻ, എം.എൽ.എമാരായ ടി.ജെ. വിനോദ്, കെ.ജെ. മാക്‌സി, അൻവർ സാദത്ത്,റോജി എം.ജോൺ, ഡോ. മാത്യു കുഴൽനാടൻ, വി.ആർ. സുനിൽകുമാർ, കെ.എൻ. ഉണ്ണിക്കൃഷ്ണൻ, ഉമ തോമസ് തുടങ്ങിയവർ പങ്കെടുക്കും. പുരസ്‌കാര പ്രഖ്യാപനം ഈ മാസം മൂന്നിന് നടക്കും.