വിദ്യാർത്ഥികൾക്ക് ധന സഹായ വിതരണം
കൊട്ടാരക്കര: എൽ.ഐ.സി ഒഫ് ഇന്ത്യ ക്ളാസ് വൺ ഓഫീസേഴ്സ് അസോസിയേഷന്റെ ജീവകാരുണ്യ പ്രവർത്തനങ്ങളുടെ ഭാഗമായി കൊട്ടാരക്കര പടിഞ്ഞാറ്റിൻകര ഗവ.യു.പി സ്കൂൾ കുട്ടികൾക്ക് പഠന സഹായം നൽകി. പഠന സഹായത്തിന്റെ വിതരണോദ്ഘാടനം കൊട്ടാരക്കര നഗരസഭ വികസന കാര്യ സ്റ്റാൻഡിംഗ് കമ്മിറ്റി ചെയർമാൻ എസ്.ആർ.രമേശ് നിർവഹിച്ചു. സ്കൂൾ എസ്.എം.സി ചെയർമാൻ ആർ.റോഷൻ അദ്ധ്യക്ഷനായി. നഗരസഭ കൗൺസിലർ അഡ്വ. ഉണ്ണികൃഷ്ണമേനോൻ മുഖ്യപ്രഭാഷണം നടത്തി .എൽ.ഐ.സി ഓഫീസേഴ്സ് അസോസിയേഷൻ ഡിവിഷണൽ പ്രസിഡന്റ് എച്ച്.വി.കുമാർ ,ഡിവിഷണൽ വൈസ് പ്രസിഡന്റ് വി.ഷിബു, ഭാരവാഹികളായ ടി.പി. രാജീവ്, പി.രാജേഷ് , അജീഷ് ഫ്രാൻസിസ് എന്നിവർ വിദ്യാഭ്യാസ ധന സഹായം വിതരണം ചെയ്തു. മുൻസിപ്പൽ കൗൺസിലർ ബി.ശ്രീരാജ്, രവീന്ദ്രൻപിള്ള, പത്മകുമാർ, ജി.വേണുകുമാർ, മധുസൂദനൻപിള്ള എന്നിവർ സംസാരിച്ചു. പ്രഥമാദ്ധ്യാപകൻ സുരേഷ്കുമാർ സ്വാഗതവും സ്റ്റാഫ് സെക്രട്ടറി വി.രഞ്ജിത് നന്ദിയും പറഞ്ഞു.