ട്വിറ്റർ ഹാക്ക് ചെയ്തെന്ന് ആരോപണം

ടെൽ അവീവ്: ട്വി​റ്റർ ഹാക്ക് ചെയ്തെന്നും 20 കോടി ഉപഭോക്താക്കളുടെ ഇ-മെയിൽ വിവരങ്ങൾ ചോർന്നെന്നും ആരോപണം. ഇസ്രയേലി സൈബർ സെക്യൂരി​റ്റി മോണി​റ്ററിംഗ് സ്ഥാപനമായ ഹഡ്സൺ റോക്കിന്റെ സഹസ്ഥാപകനും ഗവേഷകനുമായ അലൻ ഗാലാണ് ഇക്കാര്യം അറിയിച്ചത്. ചോർത്തിയ വിവരങ്ങൾ ഓൺലൈൻ ഹാക്കിംഗ് ഫോറത്തിൽ പ്രസിദ്ധീകരിച്ചെന്നും ഇതിൽ ഉന്നതരുടെ ഫോൺ നമ്പറുണ്ടെന്നും ആരോപണമുണ്ട്. വിഷയത്തിൽ ട്വി​റ്റർ പ്രതികരിച്ചിട്ടില്ല. ഡിസംബർ 24നാണ് ഗാൽ ആരോപണം ഉന്നയിച്ചത്.