ബധിര വിദ്യാർഥികൾക്ക് ട്രോമാകെയർ പരിശീലനം

പരപ്പനങ്ങാടി: മലപ്പുറം ജില്ലാ ട്രോമാകെയർ 18-ാം വാർഷികാഘോഷ പരിപാടിയോടനുബന്ധിച്ച് പരപ്പനങ്ങാടി സ്റ്റേഷൻ യൂണിറ്റ് സംഘടിപ്പിച്ച കർമ്മ പദ്ധതിയുടെ ഭാഗമായി കൊടക്കാട് പരപ്പനങ്ങാടി ബധിര വിദ്യാലയത്തിൽ ഫസ്റ്റ് എയ്ഡ് പരിശീലനം നടത്തി. ട്രെയിനർ മുഹമ്മദ് ഹനീഫ ക്ലാസിന് നേതൃത്വം നൽകി. അദ്ധ്യാപകരായ അബ്ദുൾകരീം, ആയിഷാബി,​ ഷബീബ് കൊടക്കാട്, റിയാസ്, ആബിദ്, മജീദ്, വി.വി ഫവാസ്, ബാവുക്ക എന്നിവർ നേതൃത്വം നൽകി.