സമ്മർ ബമ്പർ 10 കോടി

കൊച്ചി: കേരള ലോട്ടറിയുടെ സമ്മർ ബമ്പർ ഭാഗ്യക്കുറിയുടെ ഒന്നാം സമ്മാനം ആറു കോടിയിൽ നിന്ന് പത്തു കോടി രൂപയാക്കി. ടിക്കറ്റ് വില 200 ൽ നിന്ന് 250 രൂപയാക്കി.

16 കോടിയുടെ ക്രിസ്മസ് ബമ്പറിന്റെ നറുക്കെടുപ്പ് നാളെയാണ്. ഈ ചടങ്ങിൽ സമ്മർ ബമ്പർ റിലീസ് ചെയ്യും. അടുത്ത ദിവസം മുതൽ വില്പന ആരംഭിക്കും. സീരീസുകളുടെ എണ്ണം 5ൽ നി​ന്ന് 6 ആക്കി. മാർച്ച് 23നാണ് നറുക്കെടുപ്പ്. അന്ന് വിഷു ബമ്പർ റിലീസ് ചെയ്യും.

25 കോടിയുടെ ഓണം ബമ്പർ, 10 കോടിയുടെ പൂജാ ബമ്പർ, 16 കോടിയുടെ ക്രിസ്മസ് ബമ്പർ എന്നിവ ഹി​റ്റായതി​നാലാണ് സമ്മറി​ന്റെയും സമ്മാനത്തുക ഉയർത്തി​യത്.

സമ്മർ സമ്മാനങ്ങൾ

രണ്ടാം സമ്മാനം: 50 ലക്ഷം

മൂന്നാം സമ്മാനം: 5 ലക്ഷം വീതം 12 പേർക്ക്

സമ്മാനഘടന

വർദ്ധിപ്പിച്ചു

വില്പന കൂടുന്നതിനനുസരിച്ച് സമ്മർ ബമ്പ‌ർ ടി​ക്കറ്റ് പരമാവധി 54 ലക്ഷം വരെ അച്ചടിക്കും. 34.10 കോടി​ ആകെ മൂല്യമുള്ള 1,53,433 സമ്മാനങ്ങളുണ്ട്. കഴിഞ്ഞതവണ 22.64 കോടി രൂപയുടെ 1,01,315 സമ്മാനങ്ങളായി​രുന്നു. കഴിഞ്ഞവർഷം 32,50,000 ടിക്കറ്റ് അച്ചടിച്ചതി​ൽ 31,62,080 ടിക്കറ്റുകൾ വിറ്റു. ആകെ 49.40 കോടി​യായി​രുന്നു വിറ്റുവരവ്.