പുസ്തകം എടുക്കാൻ പോയ പതിനഞ്ചുകാരി വീട്ടിനുള്ളിൽ തീപ്പൊള്ളലേറ്റ് മരിച്ചനിലയിൽ

കോഴിക്കോട്: വീട്ടിനുള്ളിൽ പതിനഞ്ചുകാരിയെ തീപ്പൊള്ളലേറ്റ് മരിച്ചനിലയിൽ കണ്ടെത്തി. കോഴിക്കോട് എകരൂർ തെങ്ങിനി കുന്നുമ്മൽ അർച്ചനയാണ് മരിച്ചത്.

ഇന്ന് രാവിലെ അമ്മയുടെ വീട്ടിൽ നിന്ന് പെൺകുട്ടിയും അമ്മയും അച്ഛമ്മയുടെ വീട്ടിൽ എത്തിയിരുന്നു. അമ്മ മകളെ ഇവിടെ നിർത്തി ആശുപത്രി ആവശ്യത്തിനായി കോഴിക്കോടേയ്ക്ക് പോയി. അച്ഛമ്മയോട് ഒരു പുസ്തകം വീട്ടിൽ ഉണ്ടെന്നും അത് എടുത്തിട്ട് വരാമെന്നും പറഞ്ഞാണ് അർച്ചന രക്ഷിതാക്കൾക്കൊപ്പം താമസിക്കുന്ന ഷെഡ് പോലുള്ള വീട്ടിലേയ്ക്ക് പോയത്.

വീട്ടിൽ നിന്നും തീ ഉയരുന്നത് കണ്ട് തൊഴിലുറപ്പ് ജോലിക്കാരാണ് നാട്ടുകാരെ വിവരം അറിയിച്ചത്. തുടർന്ന് നടത്തിയ പരിശോധനയിലാണ് പെൺകുട്ടിയുടെ മൃതദേഹം മുറിയിൽ നിന്ന് കണ്ടെത്തിയത്.