കെ.ജി.എൻ.എ സെക്രട്ടേറിയറ്റ് മാർച്ച്

തിരുവനന്തപുരം: താത്കാലിക നഴ്സുമാരുടെ സേവന വേതന വ്യവസ്ഥകൾ ഏകീകരിക്കണമെന്ന് സി.ഐ.ടി.യു സംസ്ഥാന പ്രസിഡന്റ് ആനത്തലവട്ടം ആനന്ദൻ. സേവന മേഖലകളെ തകർക്കുന്ന കേന്ദ്ര നയങ്ങൾ തിരുത്തുക,മെഡിക്കൽ വിദ്യാഭ്യാസ വകുപ്പിലെ നഴ്സുമാരുടെ റേഷ്യോ പ്രമോഷൻ നടപടികൾ പൂർത്തീകരിക്കുക എന്നീ ആവശ്യങ്ങളുന്നയിച്ച് കേരള ഗവ.നഴ്സസ് അസോസിയേഷൻ(കെ.ജി.എൻ.എ ) നടത്തിയ സെക്രട്ടേറിയറ്റ് മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. കെ.ജി.എൻ.എ പ്രസിഡന്റ് സി.ടി.നുസൈബ അദ്ധ്യക്ഷയായി. ജനറൽ സെക്രട്ടറി ടി.സുബ്രമണ്യൻ,ട്രഷറർ എൻ.ബി സുധീഷ് കുമാർ,സംസ്ഥാന വൈസ് പ്രസിഡന്റുമാരായ ഷൈനി ആന്റണി,കെ.പി.ഷീന,സംസ്ഥാന സെക്രട്ടറിമാരായ നിഷ ഹമീദ്,എൽ.ദീപ തുടങ്ങിയവ‌രും വിവിധ ജില്ലകളിൽ നിന്നായി 1000ലധികം നഴ്സുമാരും പങ്കെടുത്തു.