കിവികൾ റാഞ്ചി

റാഞ്ചി: ട്വന്റി-20 പരമ്പരയിലെ ആദ്യ മത്സരത്തിൽ ഇന്ത്യയ്ക്ക് ന്യൂസിലൻഡിനെതിരെ 21 റൺസിന്റെ തോൽവി. റാഞ്ചി വേദിയായ മത്സരത്തിൽ ആദ്യം ബാറ്ര് ചെയ്ത ന്യൂസിലൻഡ് 20 ഓവറിൽ 6 വിക്കറ്ര് നഷ്ടത്തിൽ 176 റൺസെടുത്തു. മറുപടിക്കിറങ്ങിയ ഇന്ത്യയ്ക്ക് 20 ഓവറിൽ 9 വിക്കറ്റ് നഷ്ടത്തിൽ 155 റൺസെടുക്കാനെ കഴിഞ്ഞുള്ളൂ.

ടോസ് നഷ്ടപ്പെട്ട് ബാറ്റിംഗിനിറങ്ങിയ ന്യൂസിലൻഡിനെ അർദ്ധ സെഞ്ച്വറി നേടിയ ഡെവോൺ കോൺവേയും (35 പന്തിൽ 52)​,​ ഡീരിൽ മിച്ചലുമാണ് (പുറത്താകാതെ 30 പന്തിൽ 59)​ നല്ല ടോട്ടലിൽ എത്തിച്ചത്. മിച്ചൽ 6 സിക്സും മൂന്ന് ഫോറും കോൺവേ 7 ഫോറും 1 സിക്സും നേടി. ഫിൻ അലനും (35)​ തിളങ്ങി. ഇന്ത്യക്കായി വാഷിംഗ്ടൺ സുന്ദർ 2 വിക്കറ്റ് വീഴ്ത്തി.

മറുപടിക്കിറങ്ങിയ ഇന്ത്യൻ നിരയിൽ വാലറ്രത്ത് അടിച്ച് തകർത്ത് അർദ്ധ സെഞ്ച്വറി നേടിയ വാഷിംഗ്ടൺ സുന്ദറിനും (28 പന്തിൽ 50), സൂര്യകുമാർ യാദവിനും (34 പന്തിൽ 47)​ മാത്രമേ മികച്ച പ്രകടനം പുറത്തെടുക്കാനായുള്ളൂ. ക്യാപ്ടൻ ഹാർദിക് പാണ്ഡ്യ (21)​ ഭേദപ്പെട്ട പ്രകടനം നടത്തി. കിവികൾക്കായി ക്യാപ്ടൻ സാന്റ്നറും ബ്രെയ്സ്‌വെല്ലും ഫെർഗുസനും രണ്ട് വിക്കറ്റ് വീഴ്ത്തി.

ഏകദിന പരമ്പര ഇന്ത്യ 3-0ത്തിന് തൂത്തുവാരിയിരുന്നു.