പെൺകുട്ടിയെ കടന്നുപിടിക്കാൻ ശ്രമിച്ചയാൾ പിടിയിൽ

കൊല്ലം: പീഡനത്തിന് ഇരയാക്കിയ പെൺകുട്ടിയെ വീണ്ടും പിന്തുടർന്ന് മാനഹാനി വരുത്താൻ ശ്രമിച്ചയാൾ പൊലീസ് പിടിയിലായി. പോത്തൻകോട്, അയിരൂപ്പാറതുണ്ടത്തിൽ, പ്ലാവിള വീട്ടിൽ മനുവാണ് (29) കൊട്ടിയം പൊലീസിന്റെ പിടിയിലായത്.

2021 ൽ പ്രായപൂർത്തിയാകാത്ത പെൺകുട്ടിയെ ലൈംഗിക പീഡനത്തിന് ഇരയാക്കിയ കുറ്റത്തിന് പ്രതിക്കെതിരെ കൊട്ടിയം പൊലീസ് കേസെടുത്തിരുന്നു. ഈ കേസിൽ റിമാൻഡിൽ കഴിഞ്ഞ പ്രതി പിന്നീട് ജാമ്യത്തിൽ പുറത്തിറങ്ങിയ ശേഷവും പെൺകുട്ടിയെ നിരന്തരം പിന്തുടർന്ന് ശല്യപ്പെടുത്തുകയായിരുന്നു. ഫോണിലേക്ക് നിരന്തരം വിളിച്ചും അശ്ലീല സന്ദേശങ്ങൾ അയച്ചും, പെൺകുട്ടിയെ പിന്തുടർന്ന പ്രതി വീട്ടിലേക്കുള്ള വഴിയിൽ വച്ച് കയറിപ്പിടിച്ച് മാനഹാനിപ്പെടുത്താൻ ശ്രമിക്കുകയായിരുന്നു.