അഡ്വ. ജോർജ് ജി.പൂതിക്കോട്ട്

കൊച്ചി: തിരുവല്ല മേപ്രാൽ പൂതിക്കോട്ട് പരേതനായ പി.ജി. ജോർജിന്റേയും സൂസി ജോർജിന്റേയും മകൻ ഹൈക്കോടതി അഭിഭാഷകനായിരുന്ന അഡ്വ. ജോർജ് ജി. പൂതിക്കോട്ട് (ജിജി-58) നിര്യാതനായി. സംസ്‌കാരം തിങ്കഴാഴ്ച രണ്ടിന് മേപ്രാൽ സെന്റ് ജോൺസ് ഓർത്തഡോക്‌സ് പള്ളി സെമിത്തേരിയിൽ.

ആദായനികുതിവകുപ്പ് പ്രോസിക്യൂട്ടറായി പ്രവർത്തിച്ചിരുന്നു. കൊമേഴ്‌സ്യൽ, കമ്പനി നിയമങ്ങൾ, ആർബിട്രേഷൻ എന്നിവയിൽ പ്രാവീണ്യം തെളിയിച്ചിരുന്നു. ഇന്ത്യൻ ഇൻസ്റ്റിറ്റ്യൂട്ട് ഒഫ് ആർബിട്രേഷൻ ആൻഡ് മീഡിയേഷൻ ഡയറക്ടറായും പ്രവർത്തിച്ചു. ഭാര്യ: നിഷാ അന്നാജോർജ് പടിഞ്ഞാറേക്കര. മക്കൾ: അഡ്വ. സൂസി ജോർജ് പൂതിക്കോട്ട് (ന്യൂയോർക്ക്), കുര്യൻ ജോർജ് പൂതിക്കോട്ട്. മരുമകൻ: ജോസഫ് തോമസ്. സഹോദരങ്ങൾ: ഓർത്തഡോക്‌സ് സഭ നോർത്ത് ഈസ്റ്റ് അമേരിക്കൻ ഭദ്രാസന മെത്രാപ്പൊലീത്ത സഖറിയാസ് മാർ നിക്കളാവോസ്, രഞ്ജിനി എലിസബത്ത് ജോർജ് (യു.കെ), അഡ്വ. പി.ജി. മാത്യു (മഞ്ചേരി), അഡ്വ. ജോർജ് പോത്തൻ (കൽപ്പറ്റ).