മോഷ്ടിച്ച മൊബൈൽഫോണുകൾ വിൽക്കാൻ ശ്രമിച്ചയാൾ പിടിയിൽ

ആലുവ: പല സ്ഥലങ്ങളിൽനിന്നും മോഷ്ടിച്ച മൊബൈൽഫോണുകൾ വിൽക്കാൻ ശ്രമിച്ചയാൾ പിടിയിലായി. അസാം സ്വദേശി ബിലാൽ ഹുസൈനെയാണ് (26) ഉളിയന്നൂരിൽനിന്ന് നാട്ടുകാർ പിടികൂടി പൊലീസിന് കൈമാറിയത്. ഉളിയന്നൂർ വരത്തോടത്ത് ജംഗ്ഷനിലാണ് മൂന്ന് മൊബൈൽഫോൺ വിൽക്കാൻ ശ്രമിച്ചത്. സംശയം തോന്നിയതിനെ തുടർന്ന് നാട്ടുകാർ തടഞ്ഞുവച്ച് ആലുവ പൊലീസിന് കൈമാറുകയായിരുന്നു.