ഹോക്കി സമ്മർ ക്യാമ്പ് സമാപിച്ചു

കൊല്ലം: കൊല്ലം ഹോക്കിയും ഐ.ആർ.ഇ.എൽ ചവറയും ജില്ലാ സ്പോർട്സ് കൗൺസിലും സംയുക്തമായി ആശ്രമം ഹോക്കി സ്റ്റേഡിയത്തിൽ സംഘടിപ്പിച്ച വേനൽക്കാല ഹോക്കി പരിശീലന ക്യാമ്പ് സമാപിച്ചു. ഏപ്രിൽ ആദ്യം തുടങ്ങിയ ക്യാമ്പിൽ 8നും 18നും ഇടയിൽ പ്രായമുള്ള കുട്ടികളാണ് പങ്കെടുത്തത്. മുൻ ഇന്ത്യൻ ജൂനിയർ ടീം കോച്ച് സി.എസ്.രവിവർമ്മ, ഖേലോ ഇന്ത്യ ട്രെയ്നർ വിഷ്‌ണുപ്രിയ, ട്രെയ്നർമാരായായ ഹാഷിർ, മോഹിന്ദ്, പ്രഭാവതി, പ്രെഷ്യമോൾ എന്നിവർ മേൽനോട്ടം വഹിച്ചു. കുട്ടികൾക്കുള്ള കിറ്റുകൾ അടുത്തയാഴ്ച വിതരണം ചെയ്യുമെന്ന് ജില്ലാ ഹോക്കി അസോസിയേഷൻ സെക്രട്ടറി ഡോ. എം.ജെ.മനോജ് അറിയിച്ചു.