നിവേദനം നൽകി

റാന്നി : ശബരിമല യുവതി പ്രവേശനവുമായി ബന്ധപ്പെട്ട പ്രതിഷേധങ്ങളുടെ പേരിൽ മുൻ സർക്കാർ അയ്യപ്പ വിശ്വാസികൾക്ക് നേരെ എടുത്ത കള്ളക്കേസുകൾ അടിയന്തരമായി പിൻവലിക്കണമെന്ന് അഡ്വ.പഴകുളം മധു എം.എൽ.എ ആവശ്യപ്പെട്ടു. നിയമസഭാംഗമായി സത്യപ്രതിജ്ഞ ചെയ്തതിന് തൊട്ടുപിന്നാലെ മുഖ്യമന്ത്രി വി.ഡി.സതീശനെ നേരിൽ കണ്ടാണ് അദ്ദേഹം ഈ ആവശ്യം ഉന്നയിച്ച് നിവേദനം സമർപ്പിച്ചത്. ആചാര സംരക്ഷണത്തിനായി സമാധാനപരമായി പ്രതിഷേധിച്ച പതിനായിരക്കണക്കിന് ഭക്തരെയാണ് മുൻ സർക്കാർ പ്രതിക്കൂട്ടിലാക്കിയത്. രാഷ്ട്രീയ ലക്ഷ്യങ്ങളോടെ ചുമത്തിയ ഇത്തരം വ്യാജ കേസുകൾ വിശ്വാസികളുടെയും അവരുടെ കുടുംബങ്ങളുടെയും ജീവിതം ദുസഹമാക്കുകയാണെന്ന് എം.എൽ.എ മുഖ്യമന്ത്രിയെ ധരിപ്പിച്ചു.