പതഞ്ജലി സർവകലാശാലയിൽ രാജ്യാന്തര മത്സരം

കൊച്ചി: പതഞ്ജലി സർവകലാശാലയുടെ സംസ്‌കൃത, തത്വശാസ്ത്ര വകുപ്പുകളുടെ ആഭിമുഖ്യത്തിൽ നാലാമത് രാജ്യാന്തര ഗോൾഡൻ ബുള്ളറ്റ് മത്സരം സംഘടിപ്പിച്ചു. യോഗ, വേദ, റിഷി എന്നിവയുടെ പാരമ്പര്യം നേടാൻ പുരാതന ഗ്രന്ഥങ്ങളിലെ എഴുത്തുകൾ അവസരമൊരുക്കുമെന്ന് ചാൻസലർ സ്വാമി രാംദേവ് പറഞ്ഞു. അറിവും സമർപ്പണവും വിദ്യാർത്ഥികളെ നവീകരിക്കാൻ സഹായിക്കുമെന്നും അദ്ദേഹം കൂട്ടിച്ചേർത്തു.

സനാതന ധർമ്മത്തെ പരിപോഷിപ്പിക്കുന്നതിന് പതഞ്ജലി പ്രധാന പങ്കാണ് വഹിക്കുന്നതെന്ന് സർവകലാശാല വൈസ് ചാൻസലർ ആചാര്യ ബാലകൃഷ്‌ണ പറഞ്ഞു. പുരാതന ഗ്രന്ഥങ്ങളിലെ എഴുത്തുകൾ പിന്തുടർന്നാൽ വിദ്യാർത്ഥി സമൂഹത്തിന് മികവ് നേടാനാകുമെന്നും അദ്ദേഹം കൂട്ടിച്ചേർത്തു.