50,000 വൃക്ഷ തൈകൾ നടും
കൊച്ചി: ലോക പരിസ്ഥിതി ദിനാചരണത്തിന്റെ ഭാഗമായി ജില്ലയിൽ സാമൂഹ്യ വനവത്കരണ വിഭാഗത്തിന്റെയും ഹരിതകേരളം മിഷന്റെയും നേതൃത്വത്തിൽ 50,000 വൃക്ഷത്തൈകൾ നട്ടുപിടിപ്പിക്കും. വനവകുപ്പിന്റെ നേതൃത്വത്തിൽ ഇന്ത്യൻ നേവിയുടെ സഹകരണത്തോടെ നേവൽബേസ് പരിസരത്ത് 1,500 തൈകൾ നടും. പള്ളിപ്പുറം സെന്റ് മേരീസ് സ്കൂളിൽ ബാലസാഹിത്യകാരൻ സിപ്പി പള്ളിപ്പുറം നയിക്കുന്ന പരിസ്ഥിതി സംവാദവും പെരുമ്പാവൂർ ഗവ. ഹയർസെക്കഡറി സ്കൂളിൽ ക്വിസ് മത്സരവും കോട്ടപ്പടി മാർ ഏലിയാസ് സ്കൂളിൽ ഫോറസ്ട്രി ക്ലബ്ബ് രൂപീകരണവും സംഘടിപ്പിക്കും. ജില്ലാ കളക്ടർ ജി. പ്രിയങ്കയുടെ അദ്ധ്യക്ഷതയിൽ വകുപ്പ് പ്രതിനിധികളുടെ അവലോകന യോഗം ചേർന്നു.