വേൾഡ് ഫൂട്ട്‌വോളി ചാമ്പ്യൻഷിപ്പ്:  ഫിലിം ഫെസ്റ്റിവെലിന് തുടക്കമായി

കോഴിക്കോട്: ഫൂട്ട് വോളി ചാമ്പ്യൻഷിപ്പ് പ്രചരണത്തിന്റെ ഭാഗമായി 3 ദിവസങ്ങളിലായി സംഘടിപ്പിക്കുന്ന ഫുട്ബോൾ ഫിലിം ഫെസ്റ്റിവെലിന് തുടക്കമായി. എം.കെ.രാഘവൻ എം.പി സ്വിച്ചോൺ കർമം നിർവഹിച്ചു. ഫൂട്ട് വോളി അസോസിയേഷൻ ഒഫ് ഇന്ത്യ ,ഫൂട്ട് വോളി അസോസിയേഷൻ ഒഫ് കേരള , ചലച്ചിത്ര അക്കാഡമി, കാലിക്കറ്റ് പ്രസ് ക്ലബ് ഫിലിം സൊസൈറ്റി എന്നിവർ സംയുക്തമായി സംഘടിപ്പിച്ച പരിപാടിയിൽ സുബൈർ കൊളക്കാടൻ അദ്ധ്യക്ഷത വഹിച്ചു .
സംഘാടകർക്കുള്ള പ്രത്യേക ജഴ്സി എം.കെ.രാഘവൻ എം.പി ഭക്ഷണ കമ്മിറ്റി ചെയർമാൻ വി.പി. അബ്ദുൽ കരീമിന് നൽകി ഉദ്ഘാടനം ചെയ്തു. സ്പോർട്സ് കൗൺസിൽ പ്രസിഡന്റ് ഒ.രാജഗോപാൽ മുഖ്യതിഥിയായി. സ്പോർട്സ് കൗൺസിൽ അംഗങ്ങളായ പി.ടി.അഗസ്റ്റിൻ ,ടി.എം. അബ്ദുറഹിമാൻ , പി.കിഷൻചന്ദ്, എം.മുജീബ്റഹ്‌മാൻ, കെ.വി. അബ്ദുൽ മജീദ്, പി. നവീന, ബാബു കെൻസ, എ.വി. ഫർദിസ് എന്നിവർ പ്രസംഗിച്ചു. ഡോ.പി. അബ്ദുൽനാസർ റിപ്പോർട്ട് അവതരിപ്പിച്ചു. സംഘാടകസമിതി സെക്രട്ടറി എ.കെ മുഹമ്മദ് അഷ്റഫ് സ്വാഗതവും സി.ഇ.ഒ അബ്ദുല്ല മാളിയേക്കൽ നന്ദിയും പറഞ്ഞു. 17 ന് ഫിലിംഫെസ്റ്റിവൽ സമാപിക്കും.