അനധികൃത പാർക്കിംഗിനെതിരെ നിവേദനം

കിളിമാനൂർ: പുതിയകാവ് മുതൽ കിളിമാനൂർ വരെയുള്ള റോഡിന് ഇരുവശവും അനധികൃതമായി വാഹനങ്ങൾ പാർക്ക് ചെയ്യുന്നതിനെതിരെ ഫോറം ഓഫ് റസിഡന്റ് അസോസിയേഷൻസ് കിളിമാനൂർ (ഫ്രാക്ക്) പഞ്ചായത്തിന് നിവേദനം നൽകി.രൂക്ഷമായ ഗതാഗതക്കുരുക്ക്,പാർക്കിംഗ് നിയന്ത്രിക്കുന്നതിനുള്ള നടപടികൾ എന്നിവയ്ക്കുള്ള നടപടികൾ സ്വീകരിക്കണമെന്നാണ് ആവശ്യം.കിളിമാനൂർ പൊലീസ് സ്‌റ്റേഷനിലെ ഹോംഗാർഡുകളുടെ സേവനം ലഭ്യമാക്കി അടിയന്തര നടപടി സ്വീകരിക്കുമെന്ന് പഴയകുന്നുമ്മൽ പഞ്ചായത്ത് പ്രസിഡന്റ് എസ്.വി.ഷീബ അറിയിച്ചു.