ആധാർ സൗജന്യമായി പുതുക്കാനുള്ള തീയതി  വീണ്ടും നീട്ടി, അക്ഷയ കേന്ദ്രങ്ങളിലേക്ക് ഓടുംമുമ്പ് ഇക്കാര്യംകൂടി അറിയുക

ന്യൂഡൽഹി​: ആധാറിലെ വി​ലാസം അടക്കമുള്ള വിശദാംശങ്ങൾ ഡി​സംബർ 14 വരെ സൗജന്യമായി പുതുക്കാം.യു.ഐ.ഡി.എ.ഐയാണ്(യൂണിക് ഐഡന്റിഫിക്കേഷൻ അതോറിട്ടി ഒഫ് ഇന്ത്യ) ഇക്കാര്യമറിയിച്ചത്. സെപ്‌തംബർ 14 വരെയായിരുന്നു നേരത്തെ അനുവദിച്ചിരുന്ന സമയം.

യു.ഐ.ഡി.എ.ഐ ഔദ്യോഗിക വെബ്സൈറ്റിലൂടെയാണ് തിരിച്ചറിയൽ രേഖകളും വിലാസം തെളിയിക്കുന്ന രേഖകളും അപ്‌ലോഡ് ചെയ്യേണ്ടത്. ഓൺലൈനിലൂടെ പുതുക്കുന്നതിനാണ് സൗജന്യ സേവനം. അക്ഷയ കേന്ദ്രങ്ങളിലൂടെ പരിഷ്കരിക്കാൻ 50 രൂപ നൽകണം. പത്തുവർഷം മുൻപ് ആധാർ എടുത്തവരും പരിഷ്‌കരിക്കാത്തവരും സേവനം പ്രയോജനപ്പെടുത്തണമെന്ന് യു.ഐ.ഡി.എ.ഐ അറിയിച്ചു.