ബാഴ്സലോണ Vs റയൽ മാഡ്രിഡ്
ഇന്ത്യൻ സമയം തിങ്കളാഴ്ച പുലർച്ചെ 1.30 മുതൽ
ബാഴ്സലോണ : സ്പാനിഷ് ലാ ലിഗ ഫുട്ബാളിൽ ഇന്ന് വമ്പന്മാരായ ബാഴ്സലോണയും റയൽ മാഡ്രിഡും കൊമ്പുകോർക്കുന്ന എൽ ക്ളാസിക്കോയുടെ ആരവം. ഇന്ത്യൻ സമയം തിങ്കളാഴ്ച പുലർച്ചെ ഒന്നരയ്ക്കാണ് ക്ളബ് ഭീമന്മാരുടെ പോരാട്ടം. ബാഴ്സലോണയുടെ തട്ടകമായ കാംപ് നൗ സ്റ്റേഡിയത്തിലാണ് മത്സരം നടക്കുന്നത്.
ഈ സീസൺ ലാ ലിഗയിൽ റയലും ബാഴ്സയും തമ്മിലുള്ള രണ്ടാമത്തെ പോരാട്ടമാണിത്. കഴിഞ്ഞ വർഷം ഒക്ടോബർ 16ന് നടന്ന മത്സരത്തിൽ റയൽ സ്വന്തം തട്ടകത്തിൽ 3-1ന് ബാഴ്സയെ തോൽപ്പിച്ചിരുന്നു.
ഈ വർഷം ഇത് മൂന്നാം തവണയാണ് റയലും ബാഴ്സയും ഏറ്റുമുട്ടാനൊരുങ്ങുന്നത്. നടന്ന രണ്ട് കളികളിലും ജയിച്ചത് ബാഴ്സ. ജനുവരിയിൽ സ്പാനിഷ് സൂപ്പർ കോപ്പ ഫൈനലിൽ 3-1നും കിംഗ്സ് കപ്പ് ആദ്യ പാദ സെമിയിൽ 1-0ത്തിനുമായിരുന്നു ബാഴ്സയുടെ ജയം.
അടുത്തമാസം ആറിന് കിംഗ്സ് കപ്പിന്റെ രണ്ടാം പാദ സെമിയിൽ രണ്ട് ടീമുകളും വീണ്ടും ഏറ്റുമുട്ടുന്നുണ്ട്. ഇത്തവണത്തേതുപോലെ ബാഴ്സയുടെ തട്ടകത്തിൽ വച്ചാണ് ആ മത്സരവും നടക്കുന്നത്.
സ്പാനിഷ് ലാ ലിഗയിൽ 25 മത്സരങ്ങളിൽ നിന്ന് 65 പോയിന്റുമായി ബാഴ്സലോണയാണ് ഒന്നാം സ്ഥാനത്ത്. നിലവിലെ ചാമ്പ്യന്മാരായ റയൽ മാഡ്രിഡ് 56 പോയിന്റുമായി രണ്ടാം സ്ഥാനത്തുണ്ട്.
വൂട്ട് സെലക്ട് ചാനലിലും ജിയോ ടിവിയിലും ലൈവ്
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |