സെഞ്ച്വറിയിൽ ബ്രാഡ്മാനെ കടന്ന് സ്റ്റീവ് സ്മിത്ത്

സിഡ്നി : ദക്ഷിണാഫ്രിക്കയ്ക്ക് എതിരായ മൂന്നാം ക്രിക്കറ്റ് ടെസ്റ്റിൽ സെഞ്ച്വറികൾ നേടിയ ഉസ്മാൻ ഖ്വാജയുടെയും (195 നോട്ടൗട്ട്) സ്റ്റീവൻ സ്മിത്തിന്റെയും (104) മികവിൽ ഓസ്ട്രേലിയ രണ്ടാം ദിവസം 475/4 എന്ന സ്കോറിലെത്തി. ടെസ്റ്റ് സെഞ്ച്വറികളു‌ടെ എണ്ണത്തിൽ ഓസ്ട്രേലിയൻ ഇതിഹാസം ഡോൺ ബ്രാഡ്മാനെ മറിക‌ടന്ന സ്മിത്തിന്റെ 30-ാം മൂന്നക്കമാണിത്. ടെസ്റ്റിൽ ഓസ്ട്രേലിയയ്ക്കായി ഏറ്റവും കൂടുതൽ സെഞ്ച്വറി നേടുന്ന മൂന്നാമത്തെ താരമാണ് സ്മിത്ത്. റിക്കി പോണ്ടിംഗും(41) സ്റ്റീവ് വോയും(32)മാത്രമാണ് ഓസീസ് നിരയിൽ സ്മിത്തിന് മുന്നിലുള്ളത്. ടെസ്റ്റിലെ ഏറ്റവും കൂടുതൽ സെഞ്ച്വറികൾ എന്ന അന്താരാഷ്ട്ര റെക്കാഡ് (51)ഇപ്പോഴും സച്ചിൻ ടെൻഡുൽക്കർക്കാണ്.