മ്യൂണിക്ക്: പോർച്ചുഗീസ് പ്രതിരോധ താരം ജാവോ കാൻസലൊ പ്രിമിയർ ലീഗ് ചാമ്പ്യൻമാരായ മാഞ്ചസ്റ്റ സിറ്റിയിൽ നിന്ന് ലോൺ അടിസ്ഥാനത്തിൽ ബുണ്ടസ് ലിഗ ജേതാക്കളായ ബയേൺ മ്യൂണിക്കിലെത്തി. ഈ സീസൺ അവസാനിക്കും വരെയാണ് കരാർ. തുടർന്ന് താരത്തെ സ്ഥിരമായി സ്വന്തമാക്കുന്നതിനുള്ള നിർദ്ദേശങ്ങളും കരാറിലുണ്ട്. ഈ സീസണിൽ ഇതുവരെ സിറ്റിക്കായി 16 ലീഗ മത്സരങ്ങളിൽ ആദ്യ ഇലവനിൽ ഇറങ്ങിയ കാൻസലൊയ്ക്ക് പക്ഷെ മാഞ്ചസ്റ്റർ ഡെർബിയിലെ സിറ്റിയിലെ തോൽവിക്ക് ശേഷം കളിക്കാൻ അവസരം ലഭിച്ചിരുന്നില്ല. നെതർലൻഡ്സ് യുവതാരം നാഥാൻ അകെയുടെ സിറ്രിയിലേക്കുള്ള വരവും കാൻസലൊയ്ക്ക് തിരിച്ചടിയായി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |