ചേർത്തലയിൽ പാർട്ടികളുടെ യോഗം

ചേർത്തല:തണ്ണീർമുക്കം പഞ്ചായത്ത് ആറാം വാർഡിലെ ഉപതിരഞ്ഞെടുപ്പിന് മുന്നോടിയായി രാഷ്ട്രീയപാർട്ടികളുടെ യോഗം ചേർന്നു. 28 നാണ് ഉപതിരഞ്ഞെടുപ്പ്. 9 വരെ നാമനിർദ്ദേശപത്രികകൾ വരണാധിക്കാരിക്കോ ഉപവരണാധികാരിക്കോ സമർപ്പിക്കാം. മാർച്ച് 1 നാണ് വോട്ടെണ്ണൽ. രണ്ടു പോളിംഗ് സ്​റ്റേഷനുകളിലായി 1500 വോട്ടർമാരാണുള്ളത്. തണ്ണീർമുക്കം പഞ്ചായത്ത് പ്രദേശത്ത് പെരുമാ​റ്റചട്ടം നിലവിൽ വന്നതായി വരണാധികാരി കുട്ടനാട് പാക്കേജ് അസി.എക്സികുട്ടിവ് എൻജിനീയർ ജി. അഞ്ജു അറിയിച്ചു. നാമനിർദ്ദേശപത്രിക സമർപ്പിക്കൽ, തിരഞ്ഞെടുപ്പ് നടപടികൾ എന്നിവ സംബന്ധിച്ച് ഉപവരണാധികാരി ഗ്രാമ പഞ്ചായത്ത് സെക്രട്ടറി പി.പി. ഉദയസിംഹൻ വിശദീകരിച്ചു. വിവിധ രാഷ്ട്രീയകക്ഷികളുടെ പ്രതിനിധികൾ പങ്കെടുത്തു.