പാകിസ്ഥാനിൽ വീണ്ടും സ്ഫോടനം

ഇസ്ലാമാബാദ്: പെഷവാറിൽ മുസ്ലിം പള്ളിയിൽ ചാവേർ ബോംബാക്രമണം ഉണ്ടായതിന് പിന്നാലെ പാകിസ്ഥാനിൽ വീണ്ടും സ്ഫോടനം. ഇന്നലെ ബലൂചിസ്ഥാൻ പ്രവിശ്യയിലെ ക്വെറ്റ നഗരത്തിലുണ്ടായ വൻ സ്‌ഫോടനത്തിൽ അഞ്ച് പേർക്ക് പരിക്കേറ്റു. പരിക്കേറ്റവരിൽ കൂടുതലും പൊലീസുകാരാണ്.

ഇന്നലെ ഉച്ചയോടെ നഗരത്തിലെ പൊലീസ് ആസ്ഥാനത്തിനും ക്വെ​റ്റ കന്റോൺമെന്റിന്റെ പ്രധാന ഗേറ്റിനും സമീപമുള്ള പൊലീസ് സുരക്ഷാ മേഖലയിലാണ് സ്‌ഫോടനമുണ്ടായത്. ആക്രമണത്തിന്റെ ഉത്തരവാദിത്വം പാകിസ്ഥാനി താലിബാൻ (തെഹ്‌രീക് - ഇ - താലിബാൻ പാകിസ്ഥാൻ - ടി.ടി.പി) ഏറ്റെടുത്തു. മേഖലയിലെ സുരക്ഷാ ഉദ്യോഗസ്ഥരെയാണ് സ്ഫോടനത്തിലൂടെ ലക്ഷ്യമിട്ടതെന്ന് ടി.ടി.പി അറിയിച്ചു.