മുഖ്യമന്ത്രിയ്ക്കായി ജില്ലയിൽ പഴുതടച്ച സുരക്ഷ
Monday 13 February 2023 1:19 AM IST
കോട്ടയം . മുഖ്യമന്ത്രി പിണറായി വിജയനെ കരിങ്കൊടി കാട്ടുമെന്ന ഭീതിയിൽ കാഞ്ഞിരപ്പള്ളിയിൽ നാല് യൂത്ത് കോൺഗ്രസ് പ്രവർത്തകരെ കരുതൽത്തടങ്കലിലാക്കി. മുഖ്യമന്ത്രിയുടെ രണ്ട് പരിപാടികളായിരുന്നു ഇന്നലെ ജില്ലയിൽ പൊൻകുന്നത്ത് വാഴൂർ ഏരിയാ കമ്മിറ്റി ഓഫീസ് ഉദ്ഘാടനവും, കോട്ടയം തിരുനക്കര മൈതാനത്ത് ജനസദസും.
അവധി ദിവസമായതിനാൽ ഇന്നലെ കോട്ടയം നഗരത്തിൽ പതിവില്ലാത്ത തിരക്കുണ്ടാവേണ്ടതായിരുന്നെങ്കിലും തെരുവ് കച്ചവടക്കാർക്കടക്കം നിയന്ത്രണമേർപ്പെടുത്തി. വഴി നിറയെ പൊലീസുകാർ. വാഹന പരിശോധന. ജില്ലയിലെ പൊലീസുകാരിൽ ഭൂരിഭാഗവും കോട്ടയത്തും പൊൻകുന്നത്തുമായിരുന്നു ഡ്യൂട്ടി. മുഖ്യമന്ത്രി നഗരത്തിലെത്തുമെന്ന് അറിയിപ്പ് ലഭിച്ചതോടെ വഴി പൂർണമായും അടച്ചു. പരിസരത്തേയ്ക്ക് ഒരാളും എത്താതിരിക്കാൻ രണ്ട് വശങ്ങളിലും പൊലീസ് നിലയിറുപ്പിച്ചിരുന്നു.