യൂണി​റ്റി മട്ടന്നൂർ ഓവറോൾ ചാമ്പ്യന്മാർ

കണ്ണൂർ: റവന്യൂ ജില്ലാ ഐ.ടി.ഇ കായിക മേളയിൽ യൂനി​റ്റി മട്ടന്നൂർ ഐ.ടി.ഇ ഓവറോൾ ചാമ്പ്യൻമാരായി. ജി.ഐ.ടി.ഇ മെൻ കണ്ണൂർ രണ്ടാംസ്ഥാനവും ഡയ​റ്റ് കണ്ണൂരും തളിപ്പറമ്പ് മലനാട് ഐ.ടി.ഇ മൂന്നാംസ്ഥാനം പങ്കിട്ടു. 21 മത്സരയിനങ്ങളിൽ ഡയ​റ്റ് ഉൾപ്പെടെ 11 ഐ.ടി.ഇകളിൽ നിന്ന് 250ൽ പരം അദ്ധ്യാപക വിദ്യാർത്ഥികൾ പങ്കെടുത്തു. യു.കെ. മുഹമ്മദ് തായിഫ് (ജി.ഐ.ടി.ഇ മെൻ ), വി.എസ് നീരജ ( സെന്റ് തെരേസാസ് ഐ.ടി.ഇ കണ്ണൂർ ) എന്നിവർ വ്യക്തിഗത ചാമ്പ്യൻമാരായി. പുരുഷ വിഭാഗത്തിൽ ജി.ഐ.ടി.ഇ മെൻ കണ്ണൂരും വനിതാ വിഭാഗത്തിൽ ജി.ഐ.ടി.ഇ മാതമംഗലവും ചാമ്പ്യൻമാരായി. മേയർ ടി.ഒ മോഹനൻ കായികമേള ഉദ്ഘാടനം ചെയ്തു. ജില്ലാപഞ്ചായത്ത് ആരോഗ്യ വിദ്യാഭ്യാസ സ്​റ്റാൻഡിംഗ് കമ്മി​റ്റി അദ്ധ്യക്ഷ കെ.കെ.രത്‌നകുമാരി അദ്ധ്യക്ഷത വഹിച്ചു. സമാപന സമ്മേളനവും സമ്മാനദാനവും കണ്ണൂർ ഡയ​റ്റ് പ്രിൻസിപ്പൽ വി.വി .പ്രേമരാജൻ ഉദ്ഘാടനം ചെയ്തു. ഇ.സി.വിനോദ് അദ്ധ്യക്ഷത വഹിച്ചു.