തൊണ്ണൂറുകളുടെ സുവർണതലമുറ ഇന്ന് ബൂട്ട് കെട്ടും ഏറ്റുമുട്ടുന്നത് മുൻ കേരള പൊലീസ് ടീമും കെൽട്രോണും

കൂത്തുപറമ്പ്: സംസ്ഥാനത്തെ ഒരു കാലത്ത് ഫുട്ബാൾ ആവേശത്തിന്റെ കൊടുമുടിയിലെത്തിച്ച കേരള പൊലീസിന്റെ സുവർണതലമുറയും കണ്ണൂരിന്റെ ഫുട്ബാൾ കരുത്ത് പലകുറി അറിയിച്ച കെൽട്രോണും ഇന്ന് വീണ്ടും കളത്തിൽ .കൂത്തുപറമ്പ് നഗരസഭാ സ്റ്റേഡിയത്തിൽ നടക്കുന്ന പ്രദർശന ഫുട്ബോൾ മത്സരത്തിലാണ് ഇന്ത്യൻ ഫുട്ബാൾ ഇതിഹാസമായ ഐ എം വിജയൻ ഉൾപ്പെടെയുള്ള താരങ്ങൾ ബൂട്ട് കെട്ടുന്നത്.

ഹണ്ടേർസ് ക്ലബ്ബിന്റെ അമ്പതാം വാർഷികത്തിന്റെ ഭാഗമായാണ് മുൻ മുൻ കേരള പൊലീസ് താരങ്ങളും കെൽട്രോണും ഏറ്റുമുട്ടുന്നത്. വൈകിട്ട് 7 മണിക്ക് ആണ് പ്രദർശന മത്സരം. ഐ.എം. വിജയന് പുറമെ ജോപോൾ അഞ്ചേരി,ഷറഫലി, പാപ്പച്ചൻ, കെ.ടി.ചാക്കോ, കുരികേശ് മാത്യു ,തോബിയാസ്, മുൻ കെൽട്രോൺ താരങ്ങളായ ധനേഷ്, എം.സുരേഷ്, ശിവദാസ്, രാജീവൻ എന്നിവർ പ്രദർശന മത്സരത്തിൽ അണിനിരക്കും.

പ്രദർശന മത്സരത്തിന് മുന്നോടിയായി കാസർകോട് - മലപ്പുറം അണ്ടർ 18 ടീമുകൾ തമ്മിലുള്ള മത്സരവും നടക്കുമെന്ന് മുൻ കേരള പൊലീസ് താരവും ഹണ്ട്സ് ക്ലബ്ബ് പ്രസിഡന്റുമായ സി.എം.സുധീർ കുമാർ, പറഞ്ഞു വൈകുന്നേരം ആറിന് കെ.പി മോഹനൻ എം.എൽ.എ മത്സരംഉദ്ഘാടനം ചെയ്യും.