ആയിരംകണ്ണി ക്ഷേത്ര മഹോത്സവം ഇന്ന്

ഏങ്ങണ്ടിയൂർ: ആയിരംകണ്ണി ശ്രീ ഭഗവതി ക്ഷേത്രമഹോത്സവം ഇന്ന് ആഘോഷിക്കും. രാവിലെ ഗണപതിഹോമം, ശ്രീലകത്തേക്ക് എഴുന്നള്ളിപ്പ്, അഭിഷേകം, പഞ്ചവിംശതി കലശപൂജ, ശ്രീഭൂതബലി, ശീവേലി. വൈകീട്ട് 4ന് പകൽപ്പൂരം എഴുന്നള്ളിപ്പ്. തുടർന്ന് 5 ന് കൂട്ടി എഴുന്നള്ളിപ്പ്. 33 ഗജവീരന്മാർ അണിനിരക്കും. തൃപ്രയാർ അനിയൻ മാരാരുടെ നേതൃത്വത്തിൽ മേളം അരങ്ങേറും. തിരുവമ്പാടി ചന്ദ്രശേഖരൻ ഭഗവതിയുടെ തിടമ്പേറ്റും. രാത്രി ഏഴ് മുതൽ തെയ്യം, കാവടി വരവ്, തായമ്പക, ഗുരുതി തർപ്പണം എന്നിവ നടക്കും.