എൻ.ജി.ഒ യൂണിയൻ വൈക്കം ഏരിയ സമ്മേളനം

വൈക്കം: വൈക്കം റോഡ് റെയിൽവേ സ്റ്റേഷനിൽ കൂടുതൽ ട്രെയിനുകൾക്ക് സ്റ്റോപ്പനുവദിക്കണമെന്ന് കേരള എൻ.ജി.ഒ യൂണിയൻ വൈക്കം ഏരിയാ സമ്മേളനം ആവശ്യപ്പെട്ടു. സമ്മേളനത്തിന് സീതാറാം ആഡി​റ്റോറിയത്തിൽ രാവിലെ ഏരിയാ പ്രസിഡന്റ് വി. ബിനു പതാക ഉയർത്തി. രക്തസാക്ഷി മണ്ഡപത്തിൽ പുഷ്പാർച്ചന നടത്തി. സംസ്ഥാന കമ്മി​റ്റി അംഗം ഇ. നന്ദകുമാർ സമ്മേളനം ഉദ്ഘാടനം ചെയ്തു.

പ്രസിഡന്റ് വി. ബിനു അദ്ധ്യക്ഷത വഹിച്ചു. സെക്രട്ടറി എം.ജി. ജയ്‌മോൻ റിപ്പോർട്ട് അവതരിപ്പിച്ചു. പുതിയ ഭാരവാഹികൾ: വി. ബിനു (പ്രസിഡന്റ്), എം.ജി. ജയ്‌മോൻ (സെക്രട്ടറി), വി. കൃഷ്ണകുമാർ (ട്രഷറർ), സുനിൽകുമാർ തങ്കപ്പൻ, കെ. സുഷമകുമാരി (വൈസ് പ്രസിഡന്റുമാർ), റഫീഖ് പാണം പറമ്പിൽ, പി.ആർ. സരീഷ് കുമാർ (ജോയിന്റ് സെക്രട്ടറിമാർ).