പാതിരാമണൽ ശുചീകരണം

മുഹമ്മ: വിനോദസഞ്ചാര കേന്ദ്രമായി വളർന്നു കൊണ്ടിരിക്കുന്ന പാതിരാമണൽ ദ്വീപിൽ ശുചീകരണം മുഹമ്മ ഗ്രാമ പഞ്ചായത്തിന്റെ നേതൃത്വത്തിൽ നടന്ന ശുചീകരണത്തിൽ ജീവനക്കാരും ജനപ്രതിനിധികളും യുവജന സംഘടനകളും പങ്കാളികളായി. ഏപ്രിൽ 21മുതൽ 25 വരെ നടക്കുന്ന പാതിരാമണൽ ഫെസ്റ്റിന്റെ ഭാഗമായാണ് പ്ലാസ്റ്റിക് കവറുകളും കുപ്പികളും അടക്കമുള്ളവ നീക്കം ചെയ്തത്. 65 ഓളം ചാക്ക് പ്ലാസ്റ്റിക് മാലിന്യങ്ങൾ സംഭരിച്ച് പുനഃസംസ്‌കരണ കേന്ദ്രങ്ങൾക്ക് കൈമാറി. ശുചീകരണ പ്രവർത്തനങ്ങളുടെ ഉദ്ഘാടനം പഞ്ചായത്ത് പ്രസിഡന്റ് സ്വപ്ന ഷാബു നിർവ്വഹിച്ചു .വൈസ് പ്രസിഡന്റ് എൻ. ടി.റെജി അദ്ധ്യക്ഷനായി. വി.വിഷ്ണു സ്വാഗതം പറഞ്ഞു.