ഗുരുവായൂർ ക്ഷേത്രോത്സവം : ക്ഷേത്രത്തിൽ ദിക്ക് കൊടികൾ സ്ഥാപിച്ചു

ഗുരുവായൂർ: ക്ഷേത്രോത്സവത്തിന്റെ രണ്ടാം ദിനമായ ശനിയാഴ്ച ക്ഷേത്രത്തിൽ ദിക്ക് കൊടികൾ സ്ഥാപിച്ചു. രാവിലെ ഉഷപൂജയ്ക്ക് ശേഷമായിരുന്നു ദിക്ക് കൊടികൾ സ്ഥാപിക്കൽ ചടങ്ങ്. ക്ഷേത്രവും ഉത്സവച്ചടങ്ങുകളും അഷ്ടദിക് പാലകരെ ഏൽപ്പിച്ച ഗുരുവായൂരപ്പൻ ഇനിയുള്ള ഉത്സവദിനങ്ങളിൽ ആഘോഷചടങ്ങുകൾ തന്റെ പ്രജകൾക്കൊപ്പം ആസ്വദിക്കാനായി രാജകീയപ്രൗഢിയിൽ എഴുന്നള്ളുന്നു എന്നാണ് വിശ്വാസം. ക്ഷേത്രം തന്ത്രി ചേന്നാസ് ദിനേശൻ നമ്പൂതിരിയുടെ കാർമ്മികത്വത്തിലായിരുന്നു ചടങ്ങുകൾ. അഷ്ടദിക്പാലകരെ ഉദ്ദേശിച്ച് എട്ട് സ്ഥാനങ്ങളിലായി ഉറപ്പിച്ചിട്ടുള്ള ബലിപീഠങ്ങൾക്കരികിലാണ് ദിക് കൊടികൾ സ്ഥാപിച്ചത്. എട്ട് ദിക്കുകളിലും പ്രത്യേകപൂജകൾ നടത്തിയ ശേഷം ബലിപീഠത്തോട് അനുബന്ധിച്ച് സ്ഥാപിച്ച ചെറിയമുളങ്കാലുകളിലാണ് കൊടിയും മണിയും കെട്ടിയത്. തുടർന്ന് എഴുന്നള്ളിപ്പിന് പെരുവനം കുട്ടൻ മാരാരുടെ നേതൃത്വത്തിൽ പഞ്ചാരിമേളം അരങ്ങേറി.

എഴുന്നള്ളിപ്പിന് മുന്നിൽ തഴ, സൂര്യമറ, കൊടികൾ എന്നിവ അകമ്പടിയായി. തുടർന്നായിരുന്നു പാലാഭിഷേകം, നവകം, പന്തീരടിപൂജ എന്നിവ. പതിനൊന്നോടെ ശ്രീഭൂതബലി ചടങ്ങുകൾക്ക് ആരംഭമായി. മൂന്ന് പ്രദക്ഷിണം നടന്നും നാലാമത് ഓട്ടപ്രദക്ഷിണവുമാണ് ശ്രീഭൂതബലിക്ക്. ഭൂതഗണങ്ങൾക്ക് അന്നം നൽകുമ്പോൾ മേൽനോട്ടം വഹിക്കാൻ ഗുരുവായൂരപ്പൻ എഴുന്നള്ളുന്നുവെന്നാണ് സങ്കൽപ്പം. ഒറ്റശ്വാസത്തിൽ ക്ഷേത്രം പ്രദക്ഷിണം വെച്ച് ക്ഷേത്രപാലകന് ഹവിസ് തൂകണം. ഇതിനായി ഹവിസുമായി ഓതിക്കൻ ശരവേഗത്തിൽ ഓടും.

പിന്നാലെ ആനപ്പുറത്ത് ഗുരുവായൂരപ്പനും. ആനയുടെ മുമ്പിലും പിന്നിലുമായി നാരായണ മന്ത്രം ഉരുവിട്ട് ഭക്തജനങ്ങളും പ്രദക്ഷിണത്തിൽ പങ്കെടുത്തു. തുടർന്ന് ഗുരുവായൂരപ്പനെ സ്വർണ്ണപഴുക്കാമണ്ഡപത്തിൽ എഴുന്നള്ളിച്ചു.

സ്വ​ർ​ണ്ണ പ​ഴു​ക്കാ​മ​ണ്ഡ​പ​ത്തി​ലെ​ഴു​ന്ന​ള്ളി

ഗു​രു​വാ​യൂ​ർ​:​ ​ദേ​വ​ഗ​ണ​ങ്ങ​ൾ​ക്കും​ ​ഭ​ക്ത​ർ​ക്കും​ ​ദ​ർ​ശ​നം​ ​ന​ൽ​കി​ ​ഗു​രു​വാ​യൂ​ര​പ്പ​ൻ​ ​സ്വ​ർ​ണ്ണ​ ​പ​ഴു​ക്കാ​മ​ണ്ഡ​പ​ത്തി​ലെ​ഴു​ന്ന​ള്ളി.​ ര​ണ്ടാം​ ​ദി​നം​ ​മു​ത​ലാ​ണ് ​സ്വ​ർ​ണ്ണ​പ്പ​ഴു​ക്കാ​മ​ണ്ഡ​പ​ത്തി​ൽ​ ​എ​ഴു​ന്ന​ള്ളി​ക്കു​ക.​ ​രാ​വി​ലെ​ ​ശ്രീ​ഭൂ​ത​ബ​ലി​ക്ക് ​നാ​ല​മ്പ​ല​ത്തി​ന​ക​ത്ത് ​സ​പ്ത​മാ​തൃ​ക്ക​ൾ​ക്ക് ​ബ​ലി​തൂ​വു​ന്ന​ ​സ​മ​യ​ത്ത് ​ഭ​ഗ​വാ​ൻ​ ​സ്വ​ർ​ണ്ണ​പ്പ​ഴു​ക്കാ​ ​മ​ണ്ഡ​പ​ത്തി​ൽ​ ​ഉ​പ​വി​ഷ്ട​നാ​യി​ ​ത​ന്നെ​ ​വ​ണ​ങ്ങാ​നെ​ത്തു​ന്ന​ ​ദേ​വ​ഗ​ണ​ങ്ങ​ൾ​ക്ക് ​ദ​ർ​ശ​നം​ ​ന​ൽ​കും. പൂ​ർ​ണ്ണ​മാ​യും​ ​സ്വ​ർ​ണ്ണ​ത്താ​ൽ​ ​നി​ർ​മ്മി​ച്ച​ ​പ​ഴു​ക്കാ​മ​ണ്ഡ​പ​ത്തി​ൽ​ ​വീ​രാ​ളി​പ്പ​ട്ട് ​വി​രി​ച്ച് ​ആ​ല​വ​ട്ടം,​ ​വെ​ഞ്ചാ​മ​രം​ ​എ​ന്നി​വ​ക്കൊ​ണ്ട് ​അ​ല​ങ്ക​രി​ച്ച് ​അ​തി​ൽ​ ​രാ​ജ​കീ​യ​പ്രൗ​ഢി​യി​ലാ​ണ് ​ഭ​ഗ​വാ​നെ​ ​എ​ഴു​ന്ന​ള്ളി​ച്ച​ത്.​ ​ചു​റ്റും​ ​ക​ർ​പ്പൂ​ര​ ​ദീ​പം​ ​തെ​ളി​ച്ച് ​അ​ഷ്ട​ഗ​ന്ധ​ത്തി​ന്റെ​ ​ധൂ​മ​പ്ര​പ​ഞ്ച​ത്തി​ലാ​ണ് ​ഭ​ഗ​വാ​ന്റെ​ ​എ​ഴു​ന്ന​ള്ള​ത്ത്. മു​ന്നി​ൽ​ ​നി​ല​വി​ള​ക്കും,​ ​കു​ത്ത് ​വി​ള​ക്കും​ ​നി​ര​ത്തി​വ​ച്ചു.​ ​മൂ​ന്ന് ​മ​ണി​ക്കൂ​ർ​ ​നേ​രം​ ​താ​യ​മ്പ​ക​യു​ടെ​ ​ശ​ബ്ദ​ത​രം​ഗം​ ​ആ​സ്വ​ദി​ച്ച് ​ത​ന്റെ​ ​പ്ര​ജ​ക​ൾ​ക്ക് ​ഗു​രു​വാ​യൂ​ര​പ്പ​ൻ​ ​ദ​ർ​ശ​നം​ ​ന​ൽ​കി.​ ​ ​ഉ​ത്സ​വ​നാ​ളു​ക​ളി​ൽ​ ​മാ​ത്ര​മാ​ണ് ​സ്വ​ർ​ണ്ണ​ ​പ​ഴു​ക്കാ​മ​ണ്ഡ​പ​ത്തി​ൽ​ ​ഭ​ഗ​വാ​ൻ​ ​ഭ​ക്ത​ർ​ക്ക് ​ദ​ർ​ശ​നം​ ​ന​ൽ​കു​ക.​