മാരാരിക്കുളം വടക്കിൽ 35.22 കോടിയുടെ ബഡ്ജറ്റ്

ചേർത്തല :കാർഷിക,ടൂറിസം മേഖലയ്ക്ക് പ്രാധാന്യം നൽകി മാരാരിക്കുളം വടക്ക് പഞ്ചായത്തിൽ 35.22 കോടിയുടെ ബഡ്ജറ്റ്. 35,22,94,234 രൂപ വരവും 35,07,28,000രൂപ ചിലവും 15,66,234 രൂപ മിച്ചം വരുന്നതുമായ ബഡ്ജ​റ്റാണ് പഞ്ചായത്ത് വൈസ് പ്രസിഡന്റ് സി.സി ഷിബു അവതരിപ്പിച്ചത്.

കാർഷിക മേഖലയിൽ നെൽ കൃഷി, നാളികേര കൃഷി ,ജൈവ പച്ചക്കറി കൃഷി എന്നിവയിൽ സ്വയം പര്യാപ്തത കൈവരിക്കുന്നതിന് ബഡ്ജ​റ്റ് ലക്ഷ്യം വയ്ക്കുന്നു. ഉത്തരവാദിത്വ ടുറിസം കൂടുതലായി പ്രോത്സാഹിപ്പിക്കും. സമ്പൂർണ്ണ ശുചിത്വ പഞ്ചായത്തായി മാ​റ്റുന്നതിന്റെ ഭാഗമായി കൂടുതൽ പദ്ധതികൾ ഈ മേഖലയിൽ ഏ​റ്റെടുക്കും. പഞ്ചായത്ത് പ്രസിഡന്റ് കെ.സുദർശന ഭായ് അദ്ധ്യക്ഷത വഹിച്ചു.സെക്രട്ടറി എസ്.ബിജി,അസി.സെക്രട്ടറി ജി.രാമചന്ദ്രൻ,അനീസ എന്നിവർ പങ്കെടുത്തു.