ട്യൂണീഷ്യൻ തീരത്ത് ബോട്ടപകടം: 29 മരണം

ടൂണിസ്: ട്യൂണീഷ്യയിൽ മണിക്കൂറുകളുടെ വ്യത്യാസത്തിൽ രണ്ട് ബോട്ടുകൾ മറിഞ്ഞ് 29 അഭയാർത്ഥികൾ മരിച്ചു. മെഡിറ്ററേനിയൻ കടൽ വഴി ഇറ്റലിയിലേക്ക് പോകാൻ ശ്രമിച്ചവരാണ് അപകടത്തിൽപ്പെട്ടത്. യൂറോപ്യൻ രാജ്യങ്ങളിലേക്ക് കടക്കാൻ ശ്രമിക്കുന്ന അഭയാർത്ഥികളുടെ പ്രധാന ഹബ്ബുകളിലൊന്നാണ് ട്യൂണീഷ്യ. ട്യൂണീഷ്യയിൽ നിന്ന് ഈ വർഷം ഇതുവരെ 12,000 അഭയാർത്ഥികൾ ഇറ്റലിയിൽ എത്തിയെന്നാണ് യു.എൻ കണക്ക്. അതേ സമയം, ആഫ്രിക്കയിൽ നിന്ന് 2,500 പേരാണ് കഴിഞ്ഞ 24 മണിക്കൂറിനിടെ ഇറ്റാലിയൻ ദ്വീപായ ലാംപെഡൂസയിലെത്തിയതെന്ന് അധികൃതർ ഇന്നലെ പറഞ്ഞു.