ബൈക്ക് മോഷ്ടാവ് പൊലീസ് പിടിയിൽ.

കോട്ടയം . മോഷ്ടിച്ച ബൈക്കുമായി കൂട്ടിക്കൽ കരിപ്പയിൽ വീട്ടിൽ ഇനായത്തിനെ (18) മുണ്ടക്കയം പൊലീസ് അറസ്റ്റ് ചെയ്തു. രാത്രി വാഹനപരിശോധന നടത്തുന്നതിനിടെ കൂട്ടിക്കൽ ഭാഗത്ത് രജിസ്റ്റർ നമ്പർ പ്രദർശിപ്പിക്കാത്ത ബൈക്കുമായി യുവാവ് വരികയായിരുന്നു. പൊലീസ് ബൈക്കിന് കൈ കാണിച്ചെങ്കിലും നിറുത്താതെ കടന്നു കളഞ്ഞു. പിന്തുടർന്നെത്തിയ പിടികൂടിയപ്പോഴാണ് ബൈക്ക് പത്തനംതിട്ട ഭാഗത്ത് നിന്ന് മോഷ്ടിച്ചതാണെന്ന് പൊലീസിനോട് പറഞ്ഞത്. മുണ്ടക്കയം സ്റ്റേഷൻ എസ് ഐ പി എസ് അനീഷ്, സി പി ഒമാരായ വി ജെ ബിജി, നൂറുദ്ദീൻ എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.