മുഖ്യമന്ത്രിയുടെ യാത്രയ്ക്കായി ജനങ്ങളെ വലയ്ക്കരുത് , വി ഐ പി വാഹനങ്ങൾക്കുള്ള സീറോ ട്രാഫിക്ക് പ്രോട്ടോക്കോൾ വേണ്ടെന്ന് വച്ച് സിദ്ധരാമയ്യ
Sunday 21 May 2023 10:30 PM IST
ബംഗളുരു സീറോ ട്രാഫിക്ക് പ്രോട്ടോക്കോൾ പിൻവലിക്കാൻ നിർദ്ദേശം നൽകി കർണാടക മുഖ്യമന്ത്രി സിദ്ധരാമയ്യ. ബംഗളുരു സിറ്റി പൊലീസ് കമ്മിഷണർക്കാണ് സിദ്ധരാമയ്യ ഇതു സംബന്ധിച്ച് നിർദ്ദേശം നൽകിയത്. ജനങ്ങൾ നേരിടുന്ന യാത്രാദുരിതം നേരിൽക്കണ്ടതിനെ തുടർന്നാണ് നടപടി. സിദ്ധരാമയ്യ തന്നെയാണ് ഇക്കാര്യം ട്വിറ്ററിലൂടെ അറിയിച്ചത്.
ഗവർണർ, മുഖ്യമന്ത്രി, ആഭ്യന്തര മന്ത്രി, കേന്ദ്രസർക്കാരുമായി ബന്ധപ്പെട്ട വി.ഐ.പികൾ തുടങ്ങിയവർ യാത്രചെയ്യുമ്പോഴാണ് സീറോ ട്രാഫിക്ക് നടപ്പാക്കിയിരുന്നത്. വി.ഐ.പി വാഹനങ്ങൾക്ക് പോകുന്നതിനായി മറ്റു വാഹനങ്ങളെല്ലാം തടഞ്ഞ് വഴി ഒരുക്കുന്നതാണ് സീറോ ട്രാഫിക്ക്,.
മുൻമുഖ്യമന്ത്രി ബസവരാജ് ബൊമ്മെയും സീറോ ട്രാഫിക്ക് വേണ്ടെന്ന് വച്ചിരുന്നു. സിഗ്നലുകൾ ഒഴിവാക്കിയായിരുന്നു അദ്ദേഹം യാത്ര ചെയ്തിരുന്നത്.